Nau Mprơ Ơm 144:15 - Nau Brah Ndu Ngơi 2023

¹⁵ Ueh maak yơh ma phung ƀon lan geh nau tâm ban pônây! Ueh maak yơh phung ƀon lan geh Brah Yêhôva jêng Brah Ndu khân păng!

Nau Mprơ Ơm 144:15 ပူးပေါင်းရင်းမြစ်များ

II Nau Rêh Jêng 31:8

Lah Y-Hêsêkia jêh ri phung kôranh văch tât jêh ri uănh saơ âk mbŭch bu bun ndơ nhhơr, khân păng tâm rnê ma Brah Yêhôva jêh ri ăn nau ueh uĭn ma phung ƀon lan Israel.

Nau Mprơ Ơm 146:5

Ueh maak yơh ma nơm geh Brah Ndu Yakôb jêng nơm kơl păng, N'gân nau păng kâp gân tâm Yêhôva Brah Ndu!

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”