Nau Mprơ Ơm 144:14 - Nau Brah Ndu Ngơi 2023

¹⁴ Ăn phung ndrôk me hên deh âk kon; Ăn mpêr ƀon mâu dơi bluh ôh, Phung ƀon lan mâu ƀư bu nă, Jêh ri mâu geh nau nteh nhĭm ta trong sâng.

Nau Mprơ Ơm 144:14 ပူးပေါင်းရင်းမြစ်များ

Ndrom Samƀŭt bơh Yôp 39:11

Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.

Êsai 24:11

Bu nter ta trong sâng yor mâu geh ndrănh; Lĕ rngôch nau hâk răm jêng nau ngo klĕng da dê, Nau maak ta neh hŏ du ngai!

Êsai 65:19

Gâp mra hâk maak yor Yêrusalem, Gâp mra maak yor phung ƀon lan Gâp; Ta ntŭk nây bu mâu mra tăng ôh bâr nhĭm, Mâu lah bâr nter nau nđêh nji đŏng.

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 14:2

“N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:7

Brah Yêhôva mra ƀư ma phung rlăng hao tâm rdâng đah khân may mra roh rai tanăp khân may. Khân păng mra tât lơh khân may bơh du trong, pôri khân păng nchuăt du pơh trong bơh khân may.

Phung Kôranh Phat Dôih 5:8

Nôk bu hŏ săch jêh phung brah mhe, Ri mơ nau tâm lơh tât ta mpông ƀon. Tâm puăn jât rbăn nuyh tâm phung Israel Mbu moh saơ khêl mâu lah đao?

Phung Kôranh Phat Dôih 6:3

Ăp tơ̆ phung Israel srih ntil, phung Madian, phung Amalek, jêh ri phung mpeh Luh Nar hăn hao rduh lơh phung Israel.

Phung Kôranh Phat Dôih 6:6

Yor ma phung Madian, dĭng phung Israel o ach, rêh ni. Yor ri khân păng nhĭm vơl ma Brah Yêhôva.

I Samuel 31:7

Phung Israel mpeh đah ri rlŭng jêh ri mpeh kơh đah ri dak krong Yurdan, saơ jêh phung tahan Israel nchuăt du, Y-Sôl jêh ri pe phung kon bu klâu păng khĭt jêh, khân păng chalơi ƀon jêh ri nchuăt du. Phung Philistin văch tât pit sŏk jêh ri gŭ tâm ƀon nây.