Nau Mprơ Ơm 144:13 - Nau Brah Ndu Ngơi 2023

¹³ Dăn lĕ jay prăp hên bêng ler Ma lĕ rngôch ntil play kao; Dăn phung biăp hên bĭk rơ̆ âk rbăn, âk rmưn Tâm lĕ mir hên.

Nau Mprơ Ơm 144:13 ပူးပေါင်းရင်းမြစ်များ

Kan Lêvi 26:10

Khân may dôl hôm sa ba tâm yan ơm, hŏ rep ndrăp ntŭk gay ma bun ba tâm yan mhe.

Kan Lêvi 26:5

Yan mprah ba mra nđom jong kŏ tât yan pĕ play krăk ƀâu, yan pĕ play krăk ƀâu mra nđom jong kŏ tât yan tuch tăm. Khân may mra sa piăng let kŏ hơm jêh ri gŭ đăp mpăn tâm n'gor khân may.

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Nau Vay Nkah Tay 28:4

Play bơh ndŭl proch săk jăn khân may, kao play bơh neh khân may, play bơh phung mpô mpa rong khân may, jêh ri phung biăp kon nđâp ma ndrôk kon khân may mra dơi ăn nau ueh uĭn da dê.

Nau Vay Nkah Tay 28:8

Brah Yêhôva mra ăn nau ueh lăng tâm jay ba khân may jêh ri tâm lĕ rngôch kan ti khân may ƀư. Păng mra ăn nau ueh uĭn ma khân may tâm n'gor Yêhôva Brah Ndu ăn ma khân may.

Nau Vay Nkah Tay 8:3

Păng hŭch khân may, jêh ri ƀư ăn khân may mâp nau ji ngot jêh nây ăn ma khân may sa mana, khân may jêh ri lĕ phung chô yau khân may ê hŏ tă gĭt năl, gay nti ăn khân may gĭt kon bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Yêhôva.