Nau Mprơ Ơm 143:8 - Nau Brah Ndu Ngơi 2023

⁸ Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 143:8 ပူးပေါင်းရင်းမြစ်များ

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 119:73

Mbang ti May rhăk jêh gâp jêh ri mon jêh gâp; Ăn ma gâp nau gĭt rbăng, gay ma gâp dơi nti nau vay May ntăm.

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 25:20

Dăn Kôranh Brah mât mray huêng gâp jêh ri tâm rklaih gâp; Lơi ăn gâp bêk prêng ôh, yorlah gâp krap tâm Kôranh Brah.

Nau Mprơ Ơm 27:11

Ơ Brah Yêhôva! Dăn ntĭm nti gâp trong May; Dăn njŭn gâp lăp tâm trong lâng Ma yor lĕ phung rlăng gâp.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Mprơ Ơm 42:8

Tơlah pônây, dôl nar Brah Yêhôva ăn nau ueh bơh Păng; Dôl măng, nau mprơ Păng gŭ ndrel gâp, Nây jêng nau mbơh sơm ma Brah Ndu, jêng Nơm ăn nau rêh ma gâp.

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Mprơ Ơm 5:8

Ơ Brah Yêhôva, ma yor phung rlăng gâp, Dăn njŭn leo gâp tâm trong sŏng srăng May, Jêh ri ƀư lâng trong Kôranh Brah tanăp măt gâp.

Nau Mprơ Ơm 59:16

Ƀiălah gâp mra mprơ ma nau ktang May; Ơm ôi gâp mra mprơ huy ma nau ueh May Yorlah May jêng pôih gâp, Ntŭk gŭ krap tâm nôk rêh ni.

Nau Mprơ Ơm 86:4

Dăn ƀư ma huêng oh mon May geh nau maak Yor ma May Ơ Kôranh Brah! Huêng gâp kâp gân May.

Nau Mprơ Ơm 90:14

Ăp kêng ôi, dăn nau ueh May ƀư ăn hên geh nau mpay, Pôri lôch du njăr rêh hên mra mprơ maak răm.

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 48:17

Brah Yêhôva, Nơm Tâm Chuai may, Jêng Nơm Kloh Ueh Israel lah pônây: “Gâp jêng Yêhôva Brah Ndu may, Jêng Nơm sâm nti may gay may dơi geh nau khlay, Jêh ri njŭn may tâm trong may mra hăn.

Nau Nhĭm Vơl 3:41

He yơr hom ti, Nuih n'hâm dăn ma Brah Ndu ta klơ trôk, jêh ri lah:

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Phung Kôranh Phat Dôih 13:12

Y-Manôa lah: “Tơlah nau may ngơi tât di ngăn, moh nau vay kon se jê̆ aơ mra djôt prăp, jêh ri moh păng mra ƀư?”

I Samuel 23:12

Y-Đavit ôp tay: “Phung ƀon lan Keila jao gâp jêh ri phung tĭng ndô̆ gâp tâm ti Y-Sôl lĕ?” Brah Yêhôva lah: “Khân păng mra jao khân may.”