Nau Mprơ Ơm 143:7 - Nau Brah Ndu Ngơi 2023

⁷ Ơ Brah Yêhôva! Gơnh plơ̆ sǐt lah nau gâp dăn! Huêng gâp rgănh huơi. Lơi pôn măt May ma gâp, Klach lah gâp tâm ban ma phung jŭr ta môch.

Nau Mprơ Ơm 143:7 ပူးပေါင်းရင်းမြစ်များ

Nau Mprơ Ơm 102:2

Tâm nar rêh ni, Lơi pôn ôh măt May ma gâp; Rkêng tôr iăt ma gâp; Tâm nar gâp kuăl dăn, gơnh oi mplơ̆ lah nau gâp.

Nau Mprơ Ơm 22:24

Yorlah Păng mâu mâp tâm rmot mâu lah ƀư ƀơ̆ Nau rêh ni phung o ach; Mâu pôn lĕ măt Păng ma bunuyh nây, Ƀiălah gŭ iăt nau păng nter kuăl tâm rklaih.

Nau Mprơ Ơm 27:9

Ơ Brah Ndu jêng Nơm tâm rklaih gâp, Lơi ta pôn măt Kôranh Brah ma gâp, Lơi ta mprơh oh mon Kôranh Brah tâm rnôk Kôranh Brah ji nuih. Êlor Kôranh Brah jêng nau sâm kơl gâp. Lơi ta chalơi gâp, lơi ta mƀăr gâp.

Nau Mprơ Ơm 28:1

Ơ Brah Yêhôva, gâp kuăl May jêng lŭ toyh ma gâp; Lơi ta nsêt tôr ma gâp. Yorlah tơlah May gŭ rklăk mro đah gâp, Gâp mra jêng tâm ban lĕ phung jŭr tâm môch.

Nau Mprơ Ơm 40:17

Gâp aơ jêng bunuyh o ach jêh ri pưt kƀah; Ƀiălah May kah gĭt ma gâp ƀaƀơ. May jêng Nơm kơl jêh ri tâm rklaih gâp. Ơ Brah Ndu gâp, lơi gŭ kâp jŏ ôh!

Nau Mprơ Ơm 69:17

Lơi ta May pôn măt đah phung oh mon May, Yorlah gâp mâp nau rêh ni; Dăn gơnh oi mplơ̆ lah nau gâp.

Nau Mprơ Ơm 69:18

Dăn Kôranh Brah hăn dăch ta huêng gâp jêh ri tâm chuai gâp, Tâm rklaih gâp, yor phung rlăng gâp.

Nau Mprơ Ơm 69:3

Gâp nter, kŏ rgănh, Trô ko gâp lĕ kroh, Măt gâp huănh hươi Dôl kâp Brah Ndu gâp.

Nau Mprơ Ơm 70:5

Ƀiălah gâp jêng bunuyh o ach jêh ri pưt kƀah; Ơ Brah Ndu! Dăn gơnh văch ma gâp: May jêng Nơm kơl gâp jêh ri jêng Nơm rklaih gâp; Ơ Brah Yêhôva! Lơi gŭ kâp jŏ ôh.

Nau Mprơ Ơm 71:12

Ơ Brah Ndu! Lơi gŭ ngai đah gâp ôh; Ơ Brah Ndu gâp! Văch kơl gâp gơnh oi.

Nau Mprơ Ơm 84:2

Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Hôr 13:12

Nau kâp gân njong tay ƀư ăn nuih n'hâm nđêh nji, Ƀiălah nau gay ŭch tât jêh jêng tơm si nau rêh.

Êsai 38:18

Yorlah ƀon phung khĭt mâu dơi tâm rnê lah ueh ma May ôh, Nau khĭt mâu dơi mprơ rnê ma May ôh; Phung trŭnh hăn jêh ta ntu môch Mâu hôm dơi kâp gân ôh ma nau răp jăp May đŏng.

Êsai 57:16

Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Luka 21:26

Âk bunuyh mra khĭt yor nau klach dôl gŭ kâp nau mra tât ma neh ntu, yorlah nau brah klơ trôk mra n'gơ n'găr.