Nau Mprơ Ơm 143:3 - Nau Brah Ndu Ngơi 2023

³ Nơm rlăng hăn tĭng huêng gâp, Jot plên nau rêh gâp ta neh; Păng ƀư ma gâp gŭ tâm ntŭk ngo, nâm bu phung khĭt bơh jŏ jêh.

Nau Mprơ Ơm 143:3 ပူးပေါင်းရင်းမြစ်များ

II Samuel 18:11

Y-Jôap lah ma nơm mbơh: “Moh nau! May hŏ saơ păng? Mâm ƀư may mâu sreh păng tŭp ta neh? Lah pônây, gâp mra nkhôm ma may jât glo prăk jêh ri du njăr rse vân bŭt.”

II Samuel 2:22

Y-Apner lah đŏng ma Y-Asahel: “Rlu lơi hom tă bơh trong tĭng gâp! Mâm dĭng may ŭch ma gâp lơh nkhĭt may? Yorlah tơlah kơt nĕ, mâm ƀư gâp hôm dơi uănh măt Y-Jôap jêng nâu may?”

Nau Mprơ Ơm 142:6

Dăn May iăt nau gâp nter, Yor gâp jêng rêh ni ngăn ngên. Sâm rklaih an gâp bơh phung ƀư mhĭk đah gâp Yor khân păng ktang lơn ma gâp.

Nau Mprơ Ơm 35:4

Ăn phung joi ƀư mhĭk nau rêh gâp Mra geh nau bêk prêng jêh ri bu tâm rmot; Phung ŭch ƀư mhĭk ma gâp Mra plơ̆ rŭch jêh ri bêk prêng.

Nau Mprơ Ơm 54:3

Yorlah phung bu năch luh hao rdâng đah gâp, Bunuyh janh ƀai joi ƀư rai nau rêh gâp. Khân păng mâu ăn Brah Ndu gŭ tanăp măt khân păng. (Sêla)

Nau Mprơ Ơm 7:5

Pôri di ma phung rlăng tĭng ban gâp, Jot rchal nau rêh gâp tâm dâng neh, Jêh ri bôr khư nau ueh gâp tâm neh muy. (Sêla)

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Nhĭm Vơl 3:6

Păng ăn gâp gŭ tâm ntŭk ngo klĕng, Nâm bunuyh khĭt hŏ jŏ jêh.

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.