Nau Mprơ Ơm 143:11 - Nau Brah Ndu Ngơi 2023

¹¹ Ơ Brah Yêhôva, yorlah amoh May, ƀư rêh hom gâp; Tâm nau sŏng srăng May, mphâk lơi huêng gâp bơh nau uh ah.

Nau Mprơ Ơm 143:11 ပူးပေါင်းရင်းမြစ်များ

Nau Mprơ Ơm 119:107

Ơ Brah Yêhôva! Gâp geh nau rêh ni ngăn ngên; Dăn ƀư ma gâp dơi rêh tĭng nâm nau May ngơi.

Nau Mprơ Ơm 119:25

Huêng gâp krêp đah ndruyh neh, Ƀư ma gâp dâk rêh tay tĭng nau May ngơi.

Nau Mprơ Ơm 119:37

Lơi ăn măt gâp rle mpeh lĕ nau dơm dam; Ƀiălah ăn gâp gŭ rêh tâm trong May.

Nau Mprơ Ơm 119:40

Gâp ŭch rŏng âk ngăn ma lĕ nau May ntăm! Dăn ƀư ăn gâp gŭ rêh tâm nau sŏng srăng May.

Nau Mprơ Ơm 119:88

Dăn ăn gâp dơi rêh tĭng nâm nuih n'hâm ueh May, Pôri gâp mra djôt prăp nau May ntĭnh tă bơh trôm mbung May.

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Nau Mprơ Ơm 143:1

Ơ Brah Yêhôva, iăt hom nau gâp mbơh sơm, Rkêng hom tôr iăt nau gâp vơl dăn; Yor nau răp jăp jêh ri nau sŏng srăng May Dăn plơ̆ sǐt lah ma gâp.

Nau Mprơ Ơm 25:11

Ơ Brah Yêhôva! Yor amoh May, Yô̆ an ma gâp, yorlah gâp ƀư tih jâk.

Nau Mprơ Ơm 25:17

Nau uh ah tâm nuih n'hâm gâp ntop âk; Dăn Kôranh Brah rklaih an gâp bơh nau mhĭk tât.

Nau Mprơ Ơm 31:1

Ơ Brah Yêhôva, gâp gŭ krap tâm May; Lơi ăn gâp mâp nau bêk prêng ôh; Dăn sŏk nau sŏng srăng May jêh ri tâm rklaih gâp.

Nau Mprơ Ơm 34:19

Bunuyh sŏng srăng geh âk nau mhĭk tât; Ƀiălah Brah Yêhôva tâm rklaih păng ƀaƀơ.

Nau Mprơ Ơm 71:2

Dăn sŏk nau sŏng srăng May tâm chuai gâp jêh ri rklaih gâp; Rkêng tôr May ma gâp, jêh ri tâm rklaih gâp.

Nau Mprơ Ơm 85:6

May mâu mra ƀư nau rêh ma hên Gay ma phung ƀon lan May răm maak tâm May lĕ?

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!