Nau Mprơ Ơm 143:10 - Nau Brah Ndu Ngơi 2023

¹⁰ Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 143:10 ပူးပေါင်းရင်းမြစ်များ

Nêhêmi 9:20

Kôranh Brah hŏ ăn jêh Brah Huêng ueh bơh Kôranh Brah, gay ntĭm nti khân păng. Kôranh Brah mâu dun ăn mana ma trôm mbung khân păng jêh ri ăn dak nhêt nôk khân păng ji hir.

Nau Mprơ Ơm 118:28

May jêng Brah Ndu gâp, gâp mra tâm rnê ma May; May jêng Brah Ndu gâp, gâp mra yơk ma May.

Nau Mprơ Ơm 119:12

Ơ Brah Yêhôva, tâm rnê ma May. Sâm nti an gâp lĕ nau vay Kôranh Brah ntăm!

Nau Mprơ Ơm 119:35

Ăn gâp hăn tĭng trong nau vay May ntăm Yorlah gâp rŏng trong nây.

Nau Mprơ Ơm 139:24

Rlong uănh gâp gĭt lah geh nau mhĭk mâu lah mâu, Jêh ri sâm njŭn leo gâp tâm trong n'ho ro.

Nau Mprơ Ơm 140:6

Gâp lah ma Brah Yêhôva pô aơ: “May jêng Brah Ndu gâp. Hơi Brah Yêhôva! Rkêng hom tôr May iăt bâr gâp vơl dăn.”

Nau Mprơ Ơm 22:1

Ơ Brah Ndu gâp! Ơ Brah Ndu gâp! Mâm ƀư May chalơi gâp? Mâm ƀư May gŭ ngai mâu ŭch kơl gâp jêh ri mâu tăng nau gâp nđêng?

Nau Mprơ Ơm 23:3

Păng ăn gâp sĭt n'hâm suan Njŭn gâp hăn tâm trong sŏng srăng, Ma yor amoh Păng.

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Nau Mprơ Ơm 27:11

Ơ Brah Yêhôva! Dăn ntĭm nti gâp trong May; Dăn njŭn gâp lăp tâm trong lâng Ma yor lĕ phung rlăng gâp.

Nau Mprơ Ơm 31:14

Ƀiălah Ơ Brah Yêhôva! Gâp rnơm nsing tâm May; Gâp lah: “May jêng Brah Ndu gâp”

Nau Mprơ Ơm 63:1

Ơ Brah Ndu, May jêng Brah Ndu gâp, Gâp joi May ma lĕ nuih n'hâm Tâm ban ma ntŭk neh sơh, đang, mâu geh dak. Huêng gâp ji hir ma May, Săk jăn gâp ŭch rŏng May.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 63:14

Brah Huêng Ueh Brah Yêhôva hŏ ƀư ăn jêh ma phung ƀon lan Păng gŭ rlu, Tâm ban ma phung mpô mpa rong jŭr hăn ta rlŭng joi ntŭk rlu. May njŭn jêh phung ƀon lan May Gay amoh May dơi chrêk rmah.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Nau Kơp Bunuyh 9:22

Nôk ndâr tŭk gŭ ta klơ Ngih Bok bar nar mâu lah du khay, mâu lah jŏ lơn đŏng, pôri phung ƀon lan Israel ăt ndâk ngih bok jêh ri mâu hăn du luh ôh; ƀiălah tơlah ndâr tŭk hao klơ khân păng hăn tay.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 15:30

Hơi phung oh nâu, yor ma Kôranh Brah he jêng Brah Yêsu Krist jêh ri ma nau rŏng bơh Brah Huêng Ueh, gâp vơh vơl ma khân may ndrel ma gâp tâm lơh tâm nau mbơh sơm ma Brah Ndu yor gâp,

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 8:26

Tâm ban lĕ, Brah Huêng Ueh kơl nau rdja he, yorlah he mâu gĭt moh nau di he dăn dôl mbơh sơm, ƀiălah Brah Huêng Ueh nơm mbơh sơm kơl an ma he ma nau rđêng mâu dơi rblang tâm nau ngơi gay kơl mbơh sơm ma phung he.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

II Timôthê 1:7

yorlah Brah Ndu mâu ăn ôh ma he nuih n'hâm klach, ƀiălah nuih n'hâm janh, geh nau rŏng jêh ri blau mât njrăng săk.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.