Nau Mprơ Ơm 141:9 - Nau Brah Ndu Ngơi 2023

⁹ Dăn May mât mray gâp bơh dăk khân păng sân gâp Jêh ri rklaih bơh nhuăl phung ƀư mhĭk.

Nau Mprơ Ơm 141:9 ပူးပေါင်းရင်းမြစ်များ

Nau Mprơ Ơm 119:110

Phung ƀai sân dăk gay ƀư mhĭk gâp, Ƀiălah gâp mâu chalơi nau May ntăm ôh.

Nau Mprơ Ơm 140:5

Phung sưr sân dăk, Khân păng nthăng rse ling nhuăl ta trong Jêh ri ƀư dăk sân ƀư mhĭk ma gâp. (Sêla)

Nau Mprơ Ơm 142:3

Tơlah huêng gâp rgănh huơi, May gĭt rah vah jêh trong gâp. Tâm trong gâp hăn. Khân păng tâm nchră ndrel ƀư dăk sân gâp.

Nau Mprơ Ơm 142:4

Dăn May uănh pa ma gâp, Aơ, mâu geh bunuyh srâng iăt tât ma gâp ôh; Mâu đŏng geh ntŭk gay ma gâp nsing; Mâu geh nơm meng ma nau rêh gâp ôh.

Nau Mprơ Ơm 38:12

Phung joi ŭch nkhĭt gâp, sân dăk ma gâp Lĕ phung ŭch ƀư mhĭk ma gâp ngơi nau ƀư rai ƀaƀơ, Jêh ri ŭch ndơm gâp ăp nar.

Nau Mprơ Ơm 57:7

Ơ Brah Ndu, nuih n'hâm gâp nâp, Nuih n'hâm gâp nâp; Gâp mra mprơ jêh ri ma bâr mprơ tâm rnê.

Nau Mprơ Ơm 64:3

Khân păng tôl mpiăt khân păng nơm nâm bu đao. Bruh nau kăch mhĭk ji tâm ban ma lĕ chiông hăr.

Nau Hôr 13:14

Nau ntĭm bơh bunuyh blau mĭn jêng tu dak nau rêh, Kơl ăn bunuyh iăt gay klaih bơh dăk nau khĭt.

Yêrêmi 18:22

Dăn ăn bâr kuăl rklaih huy luh bơh ngih khân păng, Dôl May ƀư ăn phung ntŭng rduh lơh ndal! Yorlah khân păng hŏ kuyh ntu gay nhŭp gâp, Drăng dăk ăn ma jâng gâp chêh prah.

Luka 20:20

Pôri, khân păng uănh nđôi Brah Yêsu jêh ri njuăl phung uănh n'hut n'hi săk ƀư bunuyh sŏng, ŭch ngơi ƀrôk Păng tâm nau Păng ngơi, gay jao Păng ma phung kôranh chiă uănh jêh ri ma kôranh toyh chiă uănh.