Nau Mprơ Ơm 141:6 - Nau Brah Ndu Ngơi 2023

⁶ Dôl bu klŭp phung kôranh phat dôih khân păng jŭr ta keng lŭ; Khân păng mra rbăng nau gâp ngơi jêng di.

Nau Mprơ Ơm 141:6 ပူးပေါင်းရင်းမြစ်များ

II Samuel 23:1

Aơ jêng nau Y-Đavit ngơi nglĕ dŭt: “Nau ngơi Y-Đavit, kon bu klâu Y-Yêsê, Jêng nau ngơi bơh bunuyh hŏ n'hao prêh klơ jêh, Nơm Brah Ndu Yakôb tŏ jêh dak ƀâu kah, Jêh ri jêng nơm blau mprơ ueh ngăn tâm phung Israel:

I Nau Rêh Jêng 12:38

Lĕ rngôch phung aơ jêng phung tahan blau jêh nau tâm lơh. Khân păng hăn hao ma Hêbron tĭng nâm mpôl, du nuih n'hâm ŭch njêng Y-Đavit ƀư hađăch chiă uănh lĕ rngôch phung Israel. Lĕ rngôch phung Israel knŏng geh du nuih n'hâm du nau mĭn gay njêng Y-Đavit hađăch.

I Nau Rêh Jêng 13:2

Y-Đavit lah ma lĕ rngôch phung Israel tâm rƀŭn: “Tơlah khân may saơ nau aơ jêng ueh jêh ri tât jêh bơh Yêhôva Brah Ndu he, gâp mra prơh bunuyh văch ta ma phung oh nâu he hôm e tâm lam n'gor Israel, nđâp ma phung kôranh ƀư brah jêh ri phung Lêvi gŭ tâm lĕ ƀon geh ndrêch gơ̆ văr jŭm, gay jă ma khân păng văch tâm rƀŭn ndrel ma he.

II Nau Rêh Jêng 25:12

Phung tahan Yuđa ăt nhŭp rêh du rmưn nuyh, njŭn leo khân păng ta klơ n'gơn yôk lŭ, jêh nây bơh klơ n'gơn yôk lŭ nây khân păng nklơ̆ phung nây. Lĕ rngôch khĭt rai săk jăn da dê.

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”