Nau Mprơ Ơm 141:5 - Nau Brah Ndu Ngơi 2023

⁵ Ăn nơm sŏng srăng lơh gâp yor nuih n'hâm ueh, Jêh ri nau nduyh nkra khân păng jêng nâm bu dak ngi dŭt ueh ta klơ bôk gâp, Bôk gâp mâu mra dun ma nau nây ôh. Ƀiălah tâm nôk phung mhĭk ƀư nau ƀai, gâp ăt mbơh sơm ƀaƀơ.

Nau Mprơ Ơm 141:5 ပူးပေါင်းရင်းမြစ်များ

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Nau Mprơ Ơm 125:4

Ơ Brah Yêhôva, ƀư ueh hom ma phung ueh, Jêh ri ma phung geh nuih n'hâm sŏng.

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Nau Hôr 12:1

Mbu nơm rŏng nau nduyh nkra jêng rŏng ma nau gĭt rbăng, Mbu nơm tâm rmot nau nduyh lah jêng nơm rluk.

Nau Hôr 15:22

Mâu geh nau tâm nchră, nau ŭch ƀư mâu mra jêng, Yor geh âk bunuyh kơl nchră, nau ŭch nchră mra jêng.

Nau Hôr 15:5

Bunuyh rluk tâm rmot nau mbơ̆ păng ntĭm nti, Ma mbu nơm iăt nau nduyh nkra jêng nau blau ngăn.

Nau Hôr 19:25

Dong ăn nhăl hom bunuyh mưch ri mơ bunuyh rluk mra dơi jêng nau blau ngăn; Nduyh hom bunuyh gĭt vât, bunuyh nây mra ntop nau blau mĭn âk.

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.

Nau Hôr 6:23

Yorlah nau vay ntăm jêng ŭnh kađen, nau vay jêng nau ang, Jêh ri nau nduyh lah ntĭm nti jêng trong hăn ma nau rêh,

Nơm Nti 7:5

Iăt nau nduyh nkra bunuyh blau mĭn Ueh lơn jêng iăt nau mprơ rnê phung rluk.

Kan Lêvi 19:17

Lơi geh nuih n'hâm tâm rkeh ma oh nâu khân may; nduyh hom nơm chiau meng gay mâu khan nau tih ndrel ma păng.

Mathay 5:44

Ƀiălah Gâp lah ma khân may: Rŏng hom bunuyh rlăng đah may jêh ri mbơh sơm hom ma phung ƀư mhĭk ma khân may

Galati 6:1

Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!