Nau Mprơ Ơm 140:13 - Nau Brah Ndu Ngơi 2023

¹³ Nanê̆ phung sŏng srăng mra tâm rnê lah ueh ma amoh May; Phung sŏng mra gŭ rêh tanăp May.

Nau Mprơ Ơm 140:13 ပူးပေါင်းရင်းမြစ်များ

Ndrom Samƀŭt bơh Yôp 36:6

Păng mâu djôt prăp ôh nau rêh bơh bunuyh djơh, Ƀiălah phat dôih nau sŏng ma nơm geh nau rêh ni.

Nau Mprơ Ơm 11:7

Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Nau Mprơ Ơm 23:6

Nanê̆ ngăn, lĕ nau rêh gâp, Nau ueh jêh ri nau yô̆ nđach mra tĭng gâp; Gâp mra gŭ tâm ngih Brah Yêhôva Kŏ tât n'ho ro.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 35:10

Lĕ nting nđăng gâp mra lah: “Ơ Brah Yêhôva, mbu tâm ban ma May? May tâm rklaih phung rdja bơh phung ktang, Rklaih phung rêh ni jêh ri phung pưt kƀah bơh phung tŭn jot.”

Nau Mprơ Ơm 73:24

May mra sŏk nau ntĭm nti gay ma njŭn leo gâp, Jêh nau nây, vơt rom gâp tâm nau chrêk rmah.

Nau Mprơ Ơm 97:12

Ơ phung sŏng srăng, maak hom tâm Brah Yêhôva! Jêh ri tâm rnê lah ueh tâm amoh kloh ueh Păng.

Nau Hôr 22:23

Yorlah Brah Yêhôva mra koh dŏng nau rplay ngơi khân păng, Jêh ri sŏk rhuăt nau rêh phung pit ntŭng ndô ndơ khân păng.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Yôhan 14:3

Lah Gâp hăn nkra ntŭk ma khân may jêh, Gâp mra plơ̆ tay, sŏk leo khân may gŭ ndrel Gâp, gay ta ntŭk Gâp gŭ khân may gŭ ta nây lĕ.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

I Têsalônik 4:17

Jêh ta nây, phung he jêng phung hôm gŭ rêh, ƀiălah hôm e gŭ ta neh mra hao klơ ndrel ma phung bunuyh nây tâm ndâr tŭk gay tâm mâp đah Kôranh Brah ta klơ trôk, jêh ri he mra gŭ ndrel Kôranh Brah mro mrăng.