Nau Mprơ Ơm 139:2 - Nau Brah Ndu Ngơi 2023

² May gĭt lĕ dôl gâp gŭ, dôl gâp dâk; Ntơm bơh ngai may gĭt rah vah nau mĭn gâp.

Nau Mprơ Ơm 139:2 ပူးပေါင်းရင်းမြစ်များ

Nau Ntơm 16:13

H'Agar kuăl Brah Yêhôva, Nơm hŏ ngơi đah păng, jêng “Brah Ndu plơ̆ uănh,” yor păng lah: “Ơm mâu di ta ntŭk aơ gâp hŏ saơ Nơm treng uănh đah gâp?”

II Phung Hađăch 19:27

Ƀiălah Gâp gĭt dôl may gŭ, dôl may gŭ nsrâng, Dôl may hăn luh, dôl may hăn lăp; Nđâp tơlah may ji nuih tâm rdâng đah Gâp.

II Phung Hađăch 6:12

Du huê tâm phung oh mon păng lah: “Hơi hađăch jêng kôranh gâp, mâu geh tâm hên ôh. Ƀiălah Y-Êlisê, nơm mbơh lor phung Israel, ăn ma hađăch Israel gĭt lĕ nau may ngơi tâm jrô may bê̆ch.”

Nau Mprơ Ơm 44:22

N'hêl nanê̆, yor May yơh bu nkhĭt hên ăp nar, Bu uănh hên tâm ban ma biăp djôt hăn ƀư puăch.

Nau Mprơ Ơm 56:8

May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 94:11

Brah Yêhôva gĭt năl lĕ nau mĭn kon bunuyh, Khân păng knŏng jêng nau dơm dam.

Nau Hôr 15:3

Măt Brah Yêhôva uănh tâm lam ntŭk, Sek uănh phung djơh mhĭk jêh ri phung ueh.

Êsai 37:28

Ƀiălah Gâp gĭt dôl may gŭ, dôl may gŭ nsrâng; Dôl may hăn luh, tơlah may hăn lăp, Jêh ri nđâp lah may ji nuih tâm rdâng đah Gâp.

Êsêkiêl 11:5

Huêng Brah Yêhôva jŭr ta gâp jêh ri lah: “Lah hom! Aơ jêng nau Brah Yêhôva lah: ‘Hơi ngih Israel! Khân may hŏ ngơi jêh tâm ban pônây yorlah Gâp gĭt lĕ nau tât tâm nau mĭn khân may.

Êsêkiêl 38:17

Kôranh Brah Yêhôva lah: ‘Mâu di kăl e Gâp hŏ dŏng oh mon Gâp jêng nơm mbơh lor Israel lah jêh? Tâm rnôk nây, âk năm rlau khân păng hŏ mbơh lor pô aơ Gâp mra ăn may tât tâm lơh đah phung ƀon lan Gâp.’

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.

Mathay 9:4

Brah Yêsu hŏ gĭt jêh nau mĭn khân păng, Păng lah: “Mâm ƀư khân may geh nau mĭn mhĭk tâm nuih n'hâm kơt nây?

Luka 9:47

Brah Yêsu gĭt nau khân păng mĭn tâm nuih n'hâm, Păng leo du huê kon se jê̆ gay gŭ ta meng Păng nơm

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”