Nau Mprơ Ơm 139:19 - Nau Brah Ndu Ngơi 2023

¹⁹ Ơ Brah Ndu! Nanê̆ May mra ƀư rai phung ƀai. Ơ phung bunuyh ji hir mham, du hom khân may ƀah đah gâp!

Nau Mprơ Ơm 139:19 ပူးပေါင်းရင်းမြစ်များ

Nau Mprơ Ơm 119:115

Ơ phung ƀư mhĭk, du hom bơh gâp! Gay ma gâp djôt prăp nau vay Brah Ndu ntăm.

Nau Mprơ Ơm 5:6

Kôranh Brah ƀư rai lơi phung ngơi mƀruh; Brah Yêhôva uănh ji ngăn phung ji hir mham jêh ri phung ƀư nau ndơm.

Nau Mprơ Ơm 55:23

Ơ Brah Ndu, phung ji hir mham jêh ri mƀruh ndơm Mâu mra dơi gŭ rêh n'gul mrô nar hŏ nal jêh ma păng, Kôranh Brah mra nklơ̆ khân păng Jŭr tâm ntu roh rai; Ƀiălah gâp ăt hôm rnơm nsing ma Păng.

Nau Mprơ Ơm 6:8

Hơi lĕ rngôch phung ƀư mhĭk, khân may du ngai hom đah gâp, Yorlah Brah Yêhôva hŏ tăng jêh nau gâp nhĭm.

Nau Mprơ Ơm 64:7

Ƀiălah Brah Ndu mra pănh hăr ma khân păng: Ƀât lât khân păng mra geh sôt rmanh.

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Nau Mprơ Ơm 9:18

Bunuyh pah pưt bu mâu mra chuêl n'ho ro, Jêh ri phung o ach mâu geh roh nau kâp gân ƀaƀơ ôh.

Nau Mprơ Ơm 94:23

Păng mra har plơng ma khân păng yor nau ƀai khân păng, Jêh ri ƀư rai khân păng yor nau djơh mhĭk khân păng; Yêhôva Brah Ndu hên mra ƀư rai khân păng.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 7:23

Mông nây, Gâp mra lah rah vah ma khân păng: ‘Hơi phung ƀư mhĭk, du hom tă bơh Gâp, Gâp mâu mâp gĭt năl khân may ôh!’ ”

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.