Nau Mprơ Ơm 139:17 - Nau Brah Ndu Ngơi 2023

¹⁷ Ơ Brah Ndu, lĕ nau mĭn May khlay âk ngăn ma gâp! Lĕ nau mĭn nây dŭt toyh!

Nau Mprơ Ơm 139:17 ပူးပေါင်းရင်းမြစ်များ

Nau Ntơm 24:63

Kêng mhaơ, Y-Isăk hăn luh ta mir gay gŭ mĭn. Păng n'gơr măt jêh ri saơ, geh phung seh samô văch dăch.

Nau Mprơ Ơm 31:19

Nau ueh May toyh ngăn! May prăp nau ueh ma bunuyh klach yơk ma May, Ăn ma phung gŭ krap tâm May, Tanăp lĕ rngôch bunuyh.

Nau Mprơ Ơm 36:7

Ơ Brah Ndu, nau ueh May khlay ngăn ngên! Phung kon bunuyh gŭ krap tâm dâng n'hâm năr May.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Mprơ Ơm 92:5

Ơ Brah Yêhôva, kan May dŭt toyh ngăn! Nau mĭn May jêng jru ngăn!

Nau Hôr 8:31

Gâp răm maak ndrel ma neh ntu geh bunuyh gŭ n'hanh Păng Jêh ri hâk maak ndrel ma phung kon bunuyh.

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.