Nau Mprơ Ơm 139:15 - Nau Brah Ndu Ngơi 2023

¹⁵ Nôk May njêng gâp tâm ntŭk ndâp, May tanh gâp blau ir tâm ntŭk jru ir ngăn ta neh ntu, Pôri lĕ ntĭng nđăng gâp mâu dơi pôn tanăp May.

Nau Mprơ Ơm 139:15 ပူးပေါင်းရင်းမြစ်များ

Nơm Nti 11:5

May mâu gĭt ôh trong sial khôm, Ăt mâu gĭt lĕ mâm bu ntreo njêng săk jăn tâm trôm ndŭl mê̆; Tâm ban nây lĕ, may mâu dơi gĭt rbăng ôh nau kan Brah Ndu Jêng Nơm rhăk njêng lĕ ntil mpô mpa.

Nau Mprơ Ơm 139:13

Yorlah May yơh mon njêng tâm trôm nuih n'hâm gâp, Tanh njêng gâp tâm trôm ndŭl me gâp.

Nau Mprơ Ơm 63:9

Phung joi ŭch ƀư mhĭk ma nau rêh gâp Mra tŭp tâm ntu jru neh ntu.

Êphêsô 4:9

Tơlah ngơi “Păng hŏ hao klơ” moh nau bu ntĭt, lah mâu di jêng Păng jŭr jêh tâm lĕ ntŭk dêh rlau lơn tâm dâng neh ntu?

Nau Ngluh Êjipt 11:5

Lĕ rngôch kon bu klâu bôk rah tâm n'gor Êjipt mra khĭt; ntơm bơh kon dak bôk Pharaôn, nơm dôl chiă uănh bri dak kŏ tât đŏng ma kon bôk rah oh mon bu ur kơl kan dôl kĭn ba, jêh ri nđâp ma kon bôk rah mpô mpa rong khân păng đŏng.

Yêrêmi 1:5

“Êlor rhăk njêng may tâm trôm ndŭl mê̆, Gâp hŏ gĭt jêh may, Êlor may deh, Gâp hŏ prăp êng may; Gâp hŏ ndâk may ƀư nơm mbơh lor ma lĕ bri dak.”