Nau Mprơ Ơm 139:1 - Nau Brah Ndu Ngơi 2023

¹ Ơ Brah Yêhôva, May hŏ sek uănh gâp jêh Jêh ri May gĭt rah vah gâp.

Nau Mprơ Ơm 139:1 ပူးပေါင်းရင်းမြစ်များ

II Samuel 7:20

Moh nau Y-Đavit hôm dơi lah đŏng? Hơi Kôranh Brah Yêhôva! May gĭt năl jêh oh mon May.

I Phung Hađăch 8:39

dăn Kôranh Brah klơ trôk, jêng ntŭk May gŭ, rkêng tôr iăt, yô̆ an, ƀư an jêh ri sâm mplơ̆ plơng ma ăp nơm tĭng nâm trong khân păng, jêh ri tĭng nâm lĕ nau Kôranh Brah gĭt năl tâm trôm nuih n'hâm khân păng, yorlah knŏng êng May dơi gĭt rah vah tâm nuih n'hâm kon bunuyh;

II Phung Hađăch 19:27

Ƀiălah Gâp gĭt dôl may gŭ, dôl may gŭ nsrâng, Dôl may hăn luh, dôl may hăn lăp; Nđâp tơlah may ji nuih tâm rdâng đah Gâp.

I Nau Rêh Jêng 17:18

May ƀư ăn oh mon May geh nau yơk jêh pônây, moh Y-Đavit hôm dơi ngơi đŏng? Yorlah Kôranh Brah gĭt năl jêh oh mon May.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 139:23

Ơ Brah Ndu! Dăn sek uănh gâp jêh ri gĭt nuih n'hâm gâp; Rlong uănh gâp gay ma gĭt nau mĭn gâp;

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.