Nau Mprơ Ơm 138:4 - Nau Brah Ndu Ngơi 2023

⁴ Ơ Brah Yêhôva, lĕ rngôch phung hađăch ta neh ntu mra tâm rnê ma May, Yorlah khân păng tăng jêh nau ngơi bơh bâr mbung May.

Nau Mprơ Ơm 138:4 ပူးပေါင်းရင်းမြစ်များ

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 102:22

Tơlah lĕ rngôch phung ƀon lan tâm rgum Gay yơk mbah ma Brah Yêhôva.

Nau Mprơ Ơm 22:22

Gâp mra mbơh amoh Kôranh Brah ma oh nâu gâp Jêh ri tâm rnê Kôranh Brah tâm nklang phung tâm rƀŭn.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 51:13

Rnôk nây gâp mra nti trong May ma phung ƀư tih Jêh ri phung tih mra plơ̆ sĭt ta May.

Nau Mprơ Ơm 57:9

Ơ Kôranh Brah, gâp mra tâm rnê lah ueh ma May tâm nklang phung ƀon lan, Mprơ tâm rnê May tâm lĕ bri dak.

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Mprơ Ơm 72:11

Ăn lĕ rngôch phung hađăch mra chon mon tanăp hađăch; Lĕ rngôch mpôl băl mra pah kan ma hađăch.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 60:16

May mra nhêt dak toh lĕ rngôch bri dak, Pu toh phung hađăch. May mra gĭt Gâp yơh, Brah Yêhôva, jêng Nơm Tâm Rklaih may, Jêh ri Nơm Tâm Chuai may jêng Nơm Geh Lĕ Nau Brah phung Yakôb.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 21:24

Phung mpôl băl bunuyh mra nhuat hăn tă bơh nau ang ƀon; phung hađăch tâm neh ntu mra djôt nau chrêk rmah khân păng nơm lăp ta nây.