Nau Mprơ Ơm 138:3 - Nau Brah Ndu Ngơi 2023

³ Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 138:3 ပူးပေါင်းရင်းမြစ်များ

Nau Mprơ Ơm 18:6

Tâm nau rêh ni gâp mbơh sơm ma Brah Yêhôva, Gâp kuăl ma Brah Ndu gâp. Bơh ngih brah, Păng tăng bâr gâp Jêh ri bâr gâp kuăl gay rklaih tât ta tôr Păng.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 29:11

Dăn Brah Yêhôva ăn nau ktang ma phung ƀon lan Păng! Dăn Brah Yêhôva ăn nau ueh lăng đăp mpăn ma phung ƀon lan Păng.

Nau Mprơ Ơm 34:7

Tông mpăr Brah Yêhôva ƀư ngih bok gŭ jŭm phung klach yơk ma Păng Jêh ri tâm rklaih khân păng.

Nau Mprơ Ơm 63:8

Huêng gâp kuăn nâp tâm May; Ti ma May kuăn rdâng gâp.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Nau Nhĭm Vơl 3:57

May hŏ văch jêh ma gâp dôl gâp mbơh sơm đah May, May hŏ lah jêh: ‘Lơi klach ôh!’

Daniel 10:18

Rnôk nây, nơm geh săk jăn tâm ban bu klâu pah ta gâp jêh ri ntop nau ktang ăn ma gâp.

Daniel 10:19

Păng lah ma gâp: “Ơ nơm bu rŏng ngăn, lơi klach ôh. Gŭ đăp mpăn hom jêh ri nâp nuih n'hâm! Nâp hom nuih n'hâm!” Tơlah păng dôl ngơi ma gâp, geh ntop n'hâm suan gâp jêh ri lah: “Ơ kôranh, ăn may ngơi hom, yorlah may jêng n'hâm suan ma gâp.”

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.