Nau Mprơ Ơm 137:9 - Nau Brah Ndu Ngơi 2023

⁹ Ueh maak yơh ma nơm nhŭp kon jê̆ may, Jêh ri mbang hăch khân păng ta lŭ!

Nau Mprơ Ơm 137:9 ပူးပေါင်းရင်းမြစ်များ

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

Êsai 13:16

Bu nchah rai hăch rhên phung kon jê̆ khân păng Tanăp măt khân păng, Bu sŏk pit ngih vâl, Bu tom bê̆ch ndrel đah phung ur khân păng.

Ndrom Samƀŭt bơh Ôsê 10:14

Yor ri, nau drơu drơu mra luh tâm phung ƀon lan may: Jêh ri bu mra ƀư rai lĕ rngôch pôih may Nâm bu Y-Salman ƀư rai ƀon Bet-Arbel nôk nar tâm lơh, Nar bu jot nkrâm phung me ndrel ma phung kon khân păng.

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Nahum 3:10

Nđâp lah pônây, păng nơm lĕ hăn jêng bu nă jêh, Jêh ri bu krŭng tâm ndrung; Phung kon păng lĕ bu rchiăt hăch Ntŭk tơm trong sâng ƀon toyh. Phung ndrŏng bu djôt leo nau tâm nchroh, Phung kôranh toyh bu nkông da dê.