Nau Mprơ Ơm 137:3 - Nau Brah Ndu Ngơi 2023

³ Yorlah ta nây phung nhŭp hên ƀư jêng bu nă Đă hên mprơ; Phung tŭn jot hên đă hên mprơ ma nau hâk răm; Khân păng lah: “Mprơ hom ma hên du nau mprơ bơh Siôn!”

Nau Mprơ Ơm 137:3 ပူးပေါင်းရင်းမြစ်များ

I Nau Rêh Jêng 15:27

Y-Đavit jêh ri lĕ rngôch phung Lêvi tung Hip Nau Tâm Rnglăp, phung mprơ jêh ri kôranh ma phung mprơ jêng Y-Kênania nsoh da dê ao jâr bok mhay rhên. Y-Đavit nsoh tay êphôt ƀư ma bok mhay.

I Nau Rêh Jêng 16:7

Ta nar nây, tơ̆ lor lơn, Y-Đavit jao tâm ti Y-Asap jêh ri phung oh nâu păng mprơ tâm rnê ma Brah Yêhôva:

Nêhêmi 4:2

Păng lah tanăp phung oh nâu păng jêh ri phung tahan n'gor Samari pô aơ: “Lĕ rngôch phung Yuđa lĕ ra-ai nây moh ndơ ƀư? Khân păng mra ndâk đŏng mpêr ƀon? Khân păng mra nhhơr ndơ ƀư brah mâu? Tâm du nar mâm khân păng mra ƀư dơi jêh lĕ? Lŭ lĕ ŭnh sa jêh, khân păng hŏ bun mbŭch jêng neh muy, jêh nây sŏk păng jêng lŭ tay dơi lĕ?”

Nau Mprơ Ơm 65:1

Ơ Brah Ndu, Ta ƀon Siôn, khư nau mprơ tâm rnê ma May Jêh ri djôt prăp nau ton jêh ma May.

Nau Mprơ Ơm 79:1

Ơ Brah Ndu! Phung mpôl băl bri êng lăp jêh tâm drăp ndơn May; Ƀư ƀơ̆ ngih brah kloh ueh May; Jêh ri ƀư ma ƀon Yêrusalem jêng du mbŭch ƀrĭk hăch.

Nau Mprơ Ơm 80:6

May ƀư hên jêng ndơ tâm djrel tâm rlăch ma phung chiau meng hên; Jêh ri phung rlăng gơm mưch hên ndrăng khân păng nơm.

Nau Mprơ Ơm 9:14

Gay ma gâp mbơh tay lĕ nau tâm rnê ma Kôranh Brah; Ta mpông ƀon Kon Bu Ur Siôn, Gâp răm maak ma nau May tâm rklaih.

Nau Hôr 25:20

Mbu nơm mprơ ăn ma bunuyh geh nuih n'hâm rngot iăt Nâm bu nơm doh ao păng nơm tâm nar ji kăt, Jêh ri nâm bu dak srat nkhŭt ta klơ ntŭk sôt.

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Luka 21:6

“Nar mra tât lĕ ndơ khân may saơ ta ao mra rlâm rai lĕ ƀhiau, mâu hôm du glo lŭ aơ gŭ ta klơ glo lŭ êng ôh.”