Nau Mprơ Ơm 136:24 - Nau Brah Ndu Ngơi 2023

²⁴ Păng tâm rklaih hên bơh phung rlăng, Yor nuih n'hâm ueh Păng hôm tât n'ho ro.

Nau Mprơ Ơm 136:24 ပူးပေါင်းရင်းမြစ်များ

Nêhêmi 9:27

Yor ri, Kôranh Brah jao jêh khân păng tâm ti phung rlăng, jêh ri phung nây tŭn jot khân păng. Tâm nau rêh ni, khân păng kuăl dăn ma Kôranh Brah. Yorlah, nuih n'hâm ueh toyh, tă bơh trôk Kôranh Brah iăt Jêh ri ăn jêh phung sâm rklaih gay rklaih khân păng tă bơh ti phung rlăng ma khân păng.

Nau Mprơ Ơm 107:2

Phung Brah Yêhôva tâm chuai jêh bơh ti phung rlăng Lah hom pônây;

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.