Nau Mprơ Ơm 136:11 - Nau Brah Ndu Ngơi 2023

¹¹ Djôt leo phung Israel bơh bri Êjipt Yor nuih n'hâm ueh Păng hôm tât n'ho ro.

Nau Mprơ Ơm 136:11 ပူးပေါင်းရင်းမြစ်များ

Nau Mprơ Ơm 105:37

Păng njŭn leo phung ƀon lan Israel du luh, ti bêng ma prăk mah; Mâu geh du huê jêng rdja ôh tâm phung mpôl băl păng.

Nau Mprơ Ơm 78:52

Lôch nây Păng djôt phung ƀon lan Păng hăn du nâm bu biăp, Njŭn leo khân păng tâm bri rdah nâm bu phung biăp.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 12:42

Măng nây jêng măng Brah Yêhôva kâp njrăng, yorlah tâm măng nây Păng hŏ djôt phung Israel luh bơh n'gor Êjipt. Yor nây, tâm lĕ rngôch rô̆, phung ƀon lan Israel kah gĭt prăp măng nây gây yơk mbah ma Brah Yêhôva.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 13:14

Tâm nar kăndơ̆ taơ lah kon bu klâu khân may ôp: ‘Nau aơ mâm jêng?’ ăn khân may plơ̆ lah: ‘Yorlah Brah Yêhôva hŏ dŏng ti nau brah Păng gay ngluh he du luh bơh n'gor Êjipt, rklaih bơh ngih dĭk bu.

Nau Ngluh Êjipt 13:16

Nây mra jêng du nau mbên ta ti jêh ri ndơ kât klơ ndăr kleng ta nklang bar ding măt khân may, gay ma nkah pô aơ Brah Yêhôva hŏ dŏng ti nau brah Păng djôt hên du luh bơh n'gor Êjipt.”

Nau Ngluh Êjipt 13:17

Nôk Pharaôn ăn phung ƀon lan Israel hăn du luh, Brah Ndu mâu njŭn leo ôh khân păng hăn rŏ trong găn n'gor Philistin, nđâp lah trong nây dăch lơn, yorlah Brah Ndu lah: “Klach lah phung ƀon lan saơ nau tâm lơh, khân păng mra rgâl nau mĭn jêh ri plơ̆ sĭt tay ta n'gor Êjipt.”

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 13:9

Jêh ri mpeh ma khân may, nây mra jêng nâm bu du nau mbên ta ti khân may, du nau ndray ta vah vang bar ding măt khân may gay ma nau vay bơh Brah Yêhôva gŭ tâm trôm mbung khân may; yorlah Brah Yêhôva hŏ dŏng ti nau brah gay leo khân may du luh bơh n'gor Êjipt.