Nau Mprơ Ơm 135:4 - Nau Brah Ndu Ngơi 2023

⁴ Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 135:4 ပူးပေါင်းရင်းမြစ်များ

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Yêrêmi 51:19

Ƀiălah drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Israel jêng mpôl băl drăp ndơn Păng; Amoh Păng jêng Brah Yêhôva ma phung tahan.

Malachi 3:17

Brah Yêhôva ma phung tahan lah: “Khân păng mra jêng ndơ Gâp, ƀư drăp ndơn êng ma Gâp tâm nar Gâp pah kan. Gâp mra yô̆ nđach ma khân păng nâm bu du huê mbơ̆ yô̆ nđach ma kon bu klâu păng pah kan ma păng.

Nau Vay Nkah Tay 10:15

Ƀiălah Brah Yêhôva mpơl nuih n'hâm rŏng Păng ma phung chô yau khân may jêh ri tâm lĕ rngôch phung ƀon lan Păng hŏ săch khân may jêng phung noi deh khân păng, nâm bu khân may saơ nar aơ.

Nau Vay Nkah Tay 26:18

Nar aơ, Brah Yêhôva mbơh jêh ma khân may jêng du phung ƀon lan prăp ma Păng nơm, tĭng nâm Păng hŏ lah jêh ma khân may, jêh ri khân may mra mât mray lĕ rngôch nau vay Păng ntăm,

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.