Nau Mprơ Ơm 134:2 - Nau Brah Ndu Ngơi 2023

² Yơr hom ti khân may rle mpeh ma ntŭk kloh ueh, Jêh ri tâm rnê ma Brah Yêhôva!

Nau Mprơ Ơm 134:2 ပူးပေါင်းရင်းမြစ်များ

Nêhêmi 8:6

Y-Êsra tâm rnê ma Yêhôva Brah Ndu dŭt prêh, jêh ri lĕ rngôch phung ƀon lan yơr ti klơ gay plơ̆ lah pô aơ: “Amen, Amen,” jêh nây khân păng kŭnh bôk, păn muh măt ta neh gay yơk mbah ma Brah Yêhôva.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Mprơ Ơm 26:6

Ơ Brah Yêhôva, gâp mra rao ti tâm nau mâu geh nau tih, Jêh ri hăn ndăch jŭm nơng ƀư brah May.

Nau Mprơ Ơm 28:2

Tơlah gâp yơr ti rle mpeh ma ntŭk dĭ kloh ueh Kôranh Brah Gay dăn ma May, Dăn iăt hom bâr gâp kuăl vah vơl.

Nau Mprơ Ơm 63:2

Ăn gâp gŭ uănh May tâm ngih kloh ueh. Gay uănh nau brah jêh ri nau chrêk rmah May.

Nau Mprơ Ơm 63:4

Pôri gâp mra tâm rnê lah ueh ma May lĕ nau rêh gâp; Tâm amoh May, gâp mra yơr ti.

Nau Mprơ Ơm 63:5

Huêng gâp dơi hơm tâm ban ma sa glo tâm nting jêh ri ngi; Bâr mbung gâp mra răm maak jêh ri mprơ tâm rnê ma May.

Nau Nhĭm Vơl 2:19

Dôl măng, dâk hom kuăl mbơh sơm Tâm ăp bôk măng! Nkhŭt hom nuih n'hâm nâm bu dak Tanăp Kôranh Brah. Yơr hom ti may rle mpeh Kôranh Brah Yor nau rêh jêng phung kon may, Khân păng huăr yor ji ngot, Gŭ lam ăp ntŭk njônh trong ƀon toyh.

Nau Nhĭm Vơl 3:41

He yơr hom ti, Nuih n'hâm dăn ma Brah Ndu ta klơ trôk, jêh ri lah:

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.