Nau Mprơ Ơm 132:9 - Nau Brah Ndu Ngơi 2023

⁹ Ăn ma phung kôranh ƀư brah May nsoh nau sŏng, Phung klach yơk May mra nter maak.

Nau Mprơ Ơm 132:9 ပူးပေါင်းရင်းမြစ်များ

II Nau Rêh Jêng 6:41

Ơ Yêhôva Brah Ndu! Dâk hom Gay ma Kôranh Brah jêh ri Hip Nau Tâm Rnglăp bêng nau brah May dơi lăp ta ntŭk May rlu! Ơ Yêhôva Brah Ndu! Ăn ma phung kôranh ƀư brah May nsoh nau tâm rklaih, Jêh ri phung blau yơk ma May dơi răm maak Tâm nau ueh May!

Ndrom Samƀŭt bơh Yôp 29:14

Gâp nsoh nau sŏng srăng nâm bu du blah ao, Sŏk nau sŏng ƀư ao jâr jêh ri môk.

Nau Mprơ Ơm 104:1

Ơ huêng gâp, mât ton hom ma Brah Yêhôva! Ơ Yêhôva Brah Ndu gâp, May jêng toyh ngăn; May nsoh jêh nau chrat ang jêh ri nau nchrat ral!

Nau Mprơ Ơm 132:16

Gâp mra sâm nsoh ma phung kôranh ƀư brah ƀon nây nau tâm rklaih, Jêh ri phung klach yơk păng mra nter hâk răm.

Nau Mprơ Ơm 149:5

Ăn phung kloh ueh Păng maak tâm nau chrêk rmah, Ăn khân păng mprơ maak ta sưng bê̆ch khân păng!

Nau Mprơ Ơm 47:1

Hơi lĕ rngôch ntil mpôl bunuyh, tap ti hom! Troh hom nau maak ma Brah Ndu.

Nau Mprơ Ơm 68:3

Ƀiălah phung sŏng srăng mra răm maak, Hâk maak tanăp măt Brah Ndu; Ăn khân păng maak, răm rhơn.

Nau Mprơ Ơm 70:4

Ăn lĕ rngôch mbu nơm joi May Geh nau răm maak, hâk răm tâm May; Ăn phung rŏng ma nau May tâm rklaih Lah mro pô aơ: “Brah Ndu dŭt toyh ngăn!”

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 65:14

Aơ, phung oh mon Gâp mra mprơ yor nuih n'hâm maak, Bi khân may mra nter vơl yor nuih n'hâm bêng ma nau rngot, Jêh ri mra nhĭm nhhiăng yor huêng khân may rai yot.

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Samƀŭt Pôl Njuăl Ăn Ma Phung Nsing Ta Ƀon Rôm 13:14

Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).

Phung Kôranh Phat Dôih 5:31

Ơ Brah Yêhôva, mbơh sơm ma lĕ rngôch phung rlăng May rai lôch tâm ban pônây. Bi phung rŏng yơk ma May tâm ban ma luh nar chrat ral!” Jêh nau nây, n'gor geh nau đăp mpăn tâm puăn jât năm.