Nau Mprơ Ơm 132:5 - Nau Brah Ndu Ngơi 2023

⁵ Kŏ tât rnôk gâp joi dơi saơ du ntŭk ma Brah Yêhôva, Du ntŭk gŭ ma Nơm Geh Lĕ Nau Brah Yakôb.”

Nau Mprơ Ơm 132:5 ပူးပေါင်းရင်းမြစ်များ

II Samuel 6:17

Pônây, khân păng djôt leo Hip Nau Tâm Rnglăp Brah Yêhôva lăp dơm ta nklang ngih bok Y-Đavit hŏ ndâk jêh; jêh nây Y-Đavit nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

II Samuel 7:1

Tơlah hađăch hŏ gŭ tâm ngih păng nơm, Brah Yêhôva hŏ rklaih jêh hađăch tă bơh lĕ rngôch phung rlăng gŭ văr jŭm păng jêh ri ăn ma păng geh nau đăp mpăn,

I Phung Hađăch 8:17

Nôk nĕ, Y-Đavit, mbơ̆ gâp, geh nau mĭn ŭch ndâk du ngih brah ma amoh Brah Yêhôva, jêng Brah Ndu Israel.

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

I Nau Rêh Jêng 15:12

Hađăch lah ma khân păng: “Khân may jêng kôranh ma phung noi deh Lêvi. Pônây, ƀư kloh hom khân may nơm jêh ri phung oh nâu khân may, pôri khân may dơi tung Hip Nau Tâm Rnglăp Yêhôva Brah Ndu Israel ma ntŭk gâp dăp nkra jêh.

I Nau Rêh Jêng 15:3

Y-Đavit tâm rƀŭn lĕ rngôch phung Israel ta ƀon Yêrusalem, gay tung leo Hip Nau Tâm Rnglăp Brah Yêhôva ma ntŭk păng dăp nkra jêh.

I Nau Rêh Jêng 22:7

Y-Đavit lah ma Y-Salômôn: “Hơi kon, gâp geh nau mĭn ŭch ndâk du mlâm ngih brah ma amoh Yêhôva Brah Ndu gâp.

I Nau Rêh Jêng 28:2

Hađăch Đavit dâk jêh ri ngơi: “Hơi phung oh nâu jêh ri phung ƀon lan gâp, iăt hom! Gâp geh nau mĭn ndâk du mlâm ngih brah gay dơm Hip Nau Tâm Rnglăp Brah Yêhôva, jêh ri jêng rnơl chrong jâng ma Brah Ndu he. Gâp lĕ ndrăp nkra jêh ndơ dŏng prăp ndâk ngih.

II Nau Rêh Jêng 2:6

Ƀiălah, mbu nơm dơi ndâk ngih brah ma Păng? Yorlah lĕ ndâr trôk, nđâp ma lĕ ndâr trôk ta klơ dŭt prêh mâu dơi đŏng tŏng prăp ma Păng! Pônây, mbu nơm gâp jêng, dĭng dơi ndâk du mlâm ngih brah ăn Kôranh Brah? Knŏng ŭch ndâk du mlâm ngih brah prăp gŭch ndơ ƀâu kah tanăp Păng rĭ dơm.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Êphêsô 2:22

Tâm Păng yơh, khân may dơi ndâk njêng ndrel đah ngih nây, gay jêng ntŭk gŭ ma Brah Ndu tâm Brah Huêng Ueh.