Nau Mprơ Ơm 132:17 - Nau Brah Ndu Ngơi 2023

¹⁷ Ta nây, Gâp mra ăn nke Đavit chăt hao; Gâp ndrăp jêh du mlâm ŭnh kađen ma nơm Gâp troch jêh dak ngi.

Nau Mprơ Ơm 132:17 ပူးပေါင်းရင်းမြစ်များ

I Phung Hađăch 11:36

Gâp mra prăp du ndŭl mpôl ma kon bu klâu păng, gay ăn ma Y-Đavit, oh mon Gâp, dơi geh bunuyh thoi sưng hađăch n'ho ro tanăp măt Gâp ta Yêrusalem, jêng ƀon Gâp săch jêh gay dơm amoh Gâp ta nây.

I Phung Hađăch 15:4

Ƀiălah yor Y-Đavit, Brah Yêhôva prăp ma păng du huê bunuyh thoi sưng hađăch ta Yêrusalem, njêng kon bu klâu păng chiă uănh thoi ntrok păng jêh ri ƀư ăn Yêrusalem hôm e mro.

II Phung Hađăch 8:19

Ƀiălah yor Y-Đavit oh mon Brah Yêhôva, rĭ dĭng Păng mâu ŭch ƀư rai ôh phung Yuđa, tĭng nâm nau Păng hŏ ton ma Y-Đavit gay prăp ma păng du mlâm ŭnh kađen tanăp măt păng kŏ tât ƀaƀơ n'ho ro.

II Nau Rêh Jêng 21:7

Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

Nau Mprơ Ơm 148:14

Păng hŏ n'hao jêh nke phung ƀon lan n'gơr prêh, Gay ma phung răp jăp tâm rnê ma Păng, Nâm bu ntĭt ma phung kon Israel, jêng phung ƀon lan gŭ dăch Păng! Halêluya.

Nau Mprơ Ơm 89:25

Gâp mra dơm ti păng ta dak mƀŭt, Jêh ri ti ma păng ta lĕ n'hor dak krong.

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Êsêkiêl 29:21

Tâm nar nây, Gâp mra ăn ngih Israel hon du nke, jêh ri Gâp mra ăn may hă mbung ta nklang khân păng jêh ri khân păng mra gĭt Gâp jêng Brah Yêhôva.”

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”