Nau Mprơ Ơm 132:14 - Nau Brah Ndu Ngơi 2023

¹⁴ Păng lah: “Aơ jêng ntŭk Gâp gŭ rlu ƀaƀơ n'ho ro; Gâp mra gŭ ta nây yorlah Gâp ŭch jêh kơt nĕ.

Nau Mprơ Ơm 132:14 ပူးပေါင်းရင်းမြစ်များ

I Phung Hađăch 8:13

Ƀiălah gâp ndâk jêh ma May du ngih brah toyh ueh ngăn ngên, Du ntŭk prăp ma May gŭ n'ho ro.”

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

I Nau Rêh Jêng 23:25

Yorlah Y-Đavit lah pô aơ: “Yêhôva Brah Ndu phung Israel ăn jêh nau đăp mpăn ma phung ƀon lan Păng, jêh ri Păng gŭ tâm ƀon Yêrusalem n'ho ro,

Nau Mprơ Ơm 132:8

Ơ Brah Yêhôva, gơnh lăp ta ntŭk May rlu Ndrel Hip Nau Tâm Rnglăp bêng nau brah May!

Nau Mprơ Ơm 135:21

Tâm rnê hom ma Brah Yêhôva bơh Siôn Jêng Nơm gŭ ta Yêrusalem! Halêluya!

Nau Mprơ Ơm 68:16

Ơ lĕ yôk geh âk ntŭk dŭt prêh klơ, mâm ƀư khân may uănh tâm rmot Yôk Brah Ndu săch jêh ƀư ntŭk Păng gŭ? Nanê̆, Brah Yêhôva mra gŭ ta nây n'ho ro.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Mprơ Ơm 76:2

Ngih Bok Păng gŭ tâm ƀon Salem. Jêh ri ntŭk Păng gŭ ta ƀon Siôn.

Nau Mprơ Ơm 87:2

Brah Yêhôva rŏng ma lĕ mpông pêr Siôn Rlau lơn lĕ ntŭk Yakôb gŭ.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Êsai 8:18

Aơ, gâp jêh ri phung kon Brah Yêhôva ăn jêh ma gâp jêng nau mbên khlay jêh ri nau tâm mbơh tâm bri Israel tă bơh Brah Yêhôva ma phung tahan, Nơm gŭ ta yôk Siôn.

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Mathay 23:21

mbu moh nchŏng ngih brah gay sơm ton jêng nchŏng ngih brah nđâp ma Nơm gŭ tâm ngih nây gay sơm ton;

Êphêsô 2:22

Tâm Păng yơh, khân may dơi ndâk njêng ndrel đah ngih nây, gay jêng ntŭk gŭ ma Brah Ndu tâm Brah Huêng Ueh.

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.