Nau Mprơ Ơm 132:11 - Nau Brah Ndu Ngơi 2023

¹¹ Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 132:11 ပူးပေါင်းရင်းမြစ်များ

II Samuel 7:12

Tơlah nar may lĕ jêh, jêh ri may bê̆ch ndrel ma phung chô yau may, Gâp mra njêng noi deh may chiă uănh ntrok may, jêng noi deh may; jêh ri Gâp mra ƀư nâp ktang ma ƀon bri hađăch păng.

II Samuel 7:14

Gâp mra jêng Mbơ̆ păng, jêh ri păng mra jêng kon Gâp. Tơlah păng ƀư nau kue, Gâp mra phat dôih păng nâm bu kon bunuyh dŏng mâng rvĕ gay ntăm nti ma kon bunuyh.

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

I Phung Hađăch 1:48

jêh ri mât ton ma Kôranh Brah: ‘Tâm rnê ma Yêhôva Brah Ndu phung Israel, jêng Nơm hŏ ăn ma du huê gŭ ta sưng hađăch gâp nar aơ, măt gâp nơm uănh saơ.’”

I Phung Hađăch 8:25

Pôri aƀaơ, ơ Yêhôva jêng Brah Ndu phung Israel! Dăn djôt prăp hom nau Kôranh Brah hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, chuat hăn tanăp Gâp nâm bu may hŏ chuat hăn jêh, pôri tanăp Gâp, may mâu mra pưt ôh du huê bunuyh gŭ ta sưng hađăch phung Israel.’

II Nau Rêh Jêng 6:16

Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

II Nau Rêh Jêng 7:18

pôri Gâp mra ƀư ma sưng hađăch may dơi nâp nâm bu nau tâm rnglăp Gâp ƀư jêh đah Y-Đavit, mbơ̆ may pô aơ: ‘May mâu mra pưt ôh bunuyh chiă uănh phung Israel.’

Nau Mprơ Ơm 110:4

Brah Yêhôva sân săk jêh, Păng mâu tâm rgâl nau mĭn ôh: “May jêng du huê kôranh ƀư brah gŭ n'ho ro tĭng mpôl Mêlkisedek.”

Nau Mprơ Ơm 89:33

Ƀiălah nau ueh tă bơh Gâp đah păng mâu mra rgâl ôh, Jêh ri nau răp jăp Gâp đah păng mâu blau dŭt ôh.

Nau Mprơ Ơm 89:35

Gâp sŏk jêh nau kloh ueh Gâp gay ma ton du tơ̆ rĭng jêh; Gâp mâu mra mƀruh ôh đah Y-Đavit.

Nau Mprơ Ơm 89:37

Sưng hađăch nây mra dơi nâp mro mrăng nâm bu khay, Jêng mbơh mpơl nâp jăp ta nklang lĕ ndâr trôk.” (Sêla)

Nau Mprơ Ơm 89:5

Ơ Brah Yêhôva, lĕ ndâr trôk mra mprơ tâm rnê lĕ nau mbên khlay May; Nau răp jăp May ăt dơi mprơ tâm rnê phung kloh ueh.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Luka 1:32

Kon bu klâu nây mra dơi yơk, dơi kuăl jêng Kon Nơm Dŭt Prêh, Kôranh Brah jêng Brah Ndu mra ăn ma Păng sưng hađăch Y-Đavit, chô yau Păng.

Kôranh Oh Mon 2:30

Ƀiălah păng jêng nơm mbơh lor, gĭt jêh ma Brah Ndu lĕ ton jêh pô aơ Păng mra ăn du huê bunuyh jêng noi deh păng gŭ ta sưng hađăch păng nơm.

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

I Samuel 15:29

Rlau lơn ma nĕ, Kôranh Brah Chrêk Rmah phung Israel mâu ngơi mƀruh ôh, mâu plĕch rgâl nau mĭn ôh, yorlah Păng mâu jêng du huê bunuyh dĭng bu dơi plĕch rgâl nau mĭn!”