Nau Mprơ Ơm 131:1 - Nau Brah Ndu Ngơi 2023

¹ Ơ Brah Yêhôva, gâp mâu geh nuih n'hâm sưr ôh, Măt gâp mâu n'hao êng nơm; Gâp mâu lĕ gâp mĭn ma ndơ toyh ir, Mâu lah lĕ nau kan rlau keh ir đah gâp.

Nau Mprơ Ơm 131:1 ပူးပေါင်းရင်းမြစ်များ

II Samuel 6:22

Gâp mra trŭnh gâp nơm âk lơn, ăn gâp uănh êng gâp nơm jêng bunuyh rvưt rvâng, ƀiălah phung oh mon bu ur ay lah khân păng mra yơk ma gâp.”

Ndrom Samƀŭt bơh Yôp 42:3

Kôranh Brah ôp: ‘Mbu nơm aơ dơi janh dŏng nau ngơi mâu gĭt vât mo nau mĭn nchră bơh Gâp?’ Nanê̆, gâp hŏ ngơi jêh nau gâp mâu gĭt rbăng, Lĕ nau khlay ir ngăn, kŏ tât gâp mâu dơi rbăng.

Nau Mprơ Ơm 101:5

Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Nau Mprơ Ơm 122:1

Gâp maak tơlah bu lah ma gâp pô aơ: “Hăn hom he ta ngih Brah Yêhôva.”

Nau Mprơ Ơm 124:1

Ăn Israel lah: “Tơlah mâu geh Brah Yêhôva koh dŏng he,

Nau Mprơ Ơm 133:1

Ri, oh nâu gŭ ngau tâm rnglăp ndrăng khân may Ueh maak ngăn yơh!

Nau Mprơ Ơm 139:6

Nau gĭt rbăng tâm ban pônây jêng khlay ngăn ma gâp, Prêh ir ngăn kŏ tât gâp mâu dơi gĭt rbăng ôh!

Nau Hôr 21:4

Măt n'hao êng nơm, nuih n'hâm sưr rlau, Jêh ri ŭnh kađen phung mhĭk jêng nau tih da dê.

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Yêrêmi 45:5

Bi may, may joi ăn nau toyh ma may nơm lĕ? Lơi ta joi đŏng ôh, yor nau aơ, Gâp dăch ăn tât nau mhĭk ma lĕ rngôch bunuyh: Ƀiălah bi ma may, nđâp lah moh ntŭk tât may hăn, Gâp mra ăn nau rêh may dơi geh đăp mpăn.’” Brah Yêhôva lah pônây.

Nau Kơp Bunuyh 12:3

Y-Môis jêng du huê bunuyh hêt rhôi, hêt rhôi lơn ma lĕ rngôch bunuyh ta neh ntu.

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Kôranh Oh Mon 20:19

Gâp pah kan ma Kôranh Brah ma nau dêh rhêt, nđâp ma âk dak măt, jêh ri tuy dơn âk nau rlong uănh tă bơh phung Yuđa tâm nchră ƀư mhĭk ma gâp.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Nau Vay Nkah Tay 17:20

Pônây nuih n'hâm păng mâu mra jêng sưr đah phung oh nâu păng ôh, jêh ri mâu hăn ngai bơh nau vay ntăm, teng pa ma mâu lah pa chiau, gay păng jêh ri phung kon sau păng mra chiă uănh jŏ nar tâm nklang n'gor Israel.”

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Samuel 16:13

Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 16:22

Y-Sôl njuăl nơm hăn lah ma Y-Yêsê: “Ăn Y-Đavit gŭ tanăp gâp, yorlah păng ƀư ma gâp maak.”

I Samuel 17:15

bi ma Y-Đavit kơl kan hađăch Y-Sôl ƀă, plơ̆ sĭt ƀă gay chiăp biăp ma mbơ̆ păng ta Ƀêtlêhem.

I Samuel 18:23

Phung oh mon Y-Sôl ngơi đŏng lĕ nau nây ma Y-Đavit. Ƀiălah Y-Đavit lah: “Khân may mĭn jêng jê̆ lê̆ jêng klay ma hađăch? Gâp jêng du huê o ach jêh ri mâu geh nau lư n'găr ôh.”