Nau Mprơ Ơm 130:4 - Nau Brah Ndu Ngơi 2023

⁴ Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 130:4 ပူးပေါင်းရင်းမြစ်များ

II Samuel 12:13

Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

Ndrom Samƀŭt bơh Yôp 22:23

Tơlah plơ̆ sĭt ma Nơm Geh Lĕ Nau Brah, may mra dơi jêng tay. Tơlah may mƀăr lơi nau djơh mhĭk bơh ngih bok may.

Nau Mprơ Ơm 25:11

Ơ Brah Yêhôva! Yor amoh May, Yô̆ an ma gâp, yorlah gâp ƀư tih jâk.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Êsai 1:18

Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

II Kôrintô 5:19

Nây jêng, tâm Brah Krist, Brah Ndu ăn ma neh ntu geh nau tâm nsĭr đah Păng, mâu hôm kơp nau tih ma kon bunuyh ôh, jêh ri Păng jao ma hên nau mbơh ma nau tâm nsĭr.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Kôlôh 1:14

tâm Kon nây, he geh nau tâm chuai jêng nau yô̆ an nau tih.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”