Nau Mprơ Ơm 130:2 - Nau Brah Ndu Ngơi 2023

² Ơ Kôranh Brah! Iăt hom bâr gâp kuăl; Dăn tôr May gŭ rkêng ma bâr gâp vơh vơl dăn.

Nau Mprơ Ơm 130:2 ပူးပေါင်းရင်းမြစ်များ

II Nau Rêh Jêng 6:40

Ơ Brah Ndu gâp ơi! Aƀaơ ri, dăn ma măt May uănh treng jêh ri rkêng tôr iăt ma nau mbơh sơm tâm ntŭk aơ.

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nau Mprơ Ơm 140:6

Gâp lah ma Brah Yêhôva pô aơ: “May jêng Brah Ndu gâp. Hơi Brah Yêhôva! Rkêng hom tôr May iăt bâr gâp vơl dăn.”

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Mprơ Ơm 28:2

Tơlah gâp yơr ti rle mpeh ma ntŭk dĭ kloh ueh Kôranh Brah Gay dăn ma May, Dăn iăt hom bâr gâp kuăl vah vơl.

Nau Mprơ Ơm 5:3

Brah Yêhôva ơi! Ơm ôi May tăng bâr gâp; Ơm ôi gâp nhhơr nau kuăl mbơh sơm jêh ri gŭ kâp.

Nau Mprơ Ơm 64:1

Ơ Brah Ndu, gŭ iăt bâr gâp nter vơh vơl, King n'gang nau rêh gâp bơh nau phung rlăng nkrit nhhu.

Êsai 37:17

Ơ Brah Yêhôva, rkêng hom tôr jêh ri iăt! Ơ Brah Yêhôva, lin hom măt jêh ri uănh treng! Iăt hom lĕ rngôch nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.