Nau Mprơ Ơm 13:3 - Nau Brah Ndu Ngơi 2023

³ Ơ Brah Yêhôva Brah Ndu gâp, sek uănh hom jêh ri plơ̆ lah ma gâp. Ăn măt gâp dơi ang, klach lah gâp mra bê̆ch tâm nau khĭt!

Nau Mprơ Ơm 13:3 ပူးပေါင်းရင်းမြစ်များ

Êsra 9:8

Ƀiălah aƀaơ ri, Yêhôva Brah Ndu phung kon hŏ yô̆ an ma hên, gay ăn hên du kô̆ hôm e klen dơi klaih, jêh ri ăn ma hên du ngih brah tâm trôm ntŭk kloh ueh aơ, gay ma Brah Ndu hên ƀư ăn ang măt phung kon dơi saơ ang jêh ri ăn hên dơi rêh đŏng djê̆ djê̆ tă bơh ƀư bu nă.

Nau Mprơ Ơm 119:153

Dăn May mêt uănh ma nau rêh ni gâp jêh ri rklaih gâp, Yorlah gâp mâu chuêl ôh nau vay May.

Nau Mprơ Ơm 18:28

Kôranh Brah mpoh ŭnh kađen gâp; Brah Yêhôva Brah Ndu gâp mra sol ang ntŭk nau ngo gâp.

Nau Mprơ Ơm 25:19

Uănh hom ma phung rlăng đah gâp văch dŭt âk ngăn; Khân păng tâm rmot ma gâp, văch janh ƀai hâu ngăn!

Nau Mprơ Ơm 31:7

Gâp mra răm maak jêh ri răm rhơn tâm nau ueh Kôranh Brah Yor Kôranh Brah hŏ mêt uănh jêh nau rêh ni gâp, Jêh ri gĭt năl nau rngot huêng gâp.

Nau Mprơ Ơm 5:1

Ơ Brah Yêhôva, dăn rkêng tôr iăt nau gâp ngơi, Sek uănh nau lŭng nter gâp.

Nau Mprơ Ơm 9:13

Ơ Brah Yêhôva, dăn yô̆ nđach an ma gâp! Dăn treng uănh ma nau rêh ni yor phung rlăng gâp hŏ ƀư jêh; May jêng Nơm chông leo gâp tă bơh mpông pêr nau khĭt,

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Nau Nhĭm Vơl 5:1

Ơ Brah Yêhôva, dăn kah gĭt ma lĕ nau hŏ tât ma hên; Dăn mêt uănh hom nau bêk prêng hên!

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

I Samuel 14:27

Bi Y-Jônathan mâu gĭt ôh nau mbơ̆ păng ton đah phung ƀon lan, pônây păng yơr chiông mâng păng djôt ta ti, păng sŏch chiông mâng nây ta mpơng sŭt, jêh ri nsiăm ti dak sŭt ta trôm mbung, pôri măt păng ang rah vah ro.

I Samuel 14:29

Y-Jônathan lah: “Mbơ̆ gâp hŏ ƀư jêh nau rŭng răng tay ma n'gor. Uănh hom, yorlah gâp ler djê̆ lê̆ dak sŭt aơ măt gâp jêng ang rah vah jêh!