Nau Mprơ Ơm 13:2 - Nau Brah Ndu Ngơi 2023

² Gâp geh nau rêh ni ngăn tâm huêng, Ăp nar geh nau rngot ndah jŏ tâm nuih n'hâm? Nơm rlăng đah gâp dơi n'hao prêh lơn gâp kŏ tât ndah jŏ?

Nau Mprơ Ơm 13:2 ပူးပေါင်းရင်းမြစ်များ

Nêhêmi 2:2

Yor ri, hađăch ôp ma gâp: “Mâm muh măt may rngot, nđâp lah may mâu geh nau ji kuet? Nanê̆ may geh nau rngot tâm nuih n'hâm.” Nôk nây gâp klach ngăn.

Êsther 7:6

H'Êsther plơ̆ lah: “Du huê rlăng jêh ri mhĭk jêng Y-Haman djơh aơ yơh!” Rnôk nây, Y-Haman klach ngăn tanăp hađăch jêh ri hađăch bu ur.

Ndrom Samƀŭt bơh Yôp 10:15

Tơlah gâp ƀư tih, rêh ni ngăn ma gâp! Tơlah geh nau sŏng srăng, gâp mâu janh đŏng n'gơr bôk, Yorlah gâp bêng ma nau prêng, Jêh ri jâk jêr ma nau rngot rvê.

Nau Mprơ Ơm 10:18

Gay ƀư nau di ma phung kon đơi jêh ri phung bu tŭn jot, Ƀư ăn kon bunuyh ơm tă bơh ndruyh neh, mâu hôm klach đŏng ôh.

Nau Mprơ Ơm 116:3

Rse nau khĭt vân jŭm gâp, Nau ji ƀon phung khĭt kuăn rdâng jêh gâp, Gâp mâp nau uh ah jêh ri nau rngot klâng.

Nau Mprơ Ơm 17:9

Tă bơh phung mhĭk tŭn jot gâp, Tă bơh phung ƀư tih gŭ nchueng gâp.

Nau Mprơ Ơm 31:18

Ăn mbung phung mƀruh jêng mlo! Yorlah khân păng ngơi djơh, ngơi sưr jêh ri tâm rmot Ƀiălah ngơi tâm rdâng đah phung sŏng srăng.

Nau Mprơ Ơm 38:17

Gâp bơi ma prah sơmok, Nau rngot hôm e gŭ jŏ kêng gâp ƀaƀơ.

Nau Mprơ Ơm 42:4

Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Mprơ Ơm 6:4

Ơ Brah Yêhôva, dăn May rgâl nau mĭn jêh ri tâm rklaih kon, ăn kon dơi rklaih bơh nau khĭt; Sâm rklaih kon yor nau ueh May.

Nau Mprơ Ơm 7:2

Klach lah khân păng hêk gâp nâm bu yau mŭr hêk mpa sa, Jêh ri ƀư săk jăn gâp jêng gâl rngơl ƀiălah mâu geh ôh nơm dơi rklaih an.

Nau Mprơ Ơm 74:10

Ơ Brah Ndu! Ndah nâm jŏ nơm tâm rdâng mra bêk prêng ma May? Nơm rlăng mra suai ma amoh May mro lĕ?

Nau Mprơ Ơm 74:18

Ơ Brah Yêhôva, ăn kah gĭt ma nau nơm rlăng suai rak, Jêh ri du mpôl băl rluk ngơi mhĭk ma amoh May.

Nau Mprơ Ơm 8:2

Gay plơng phung rlăng Kôranh Brah, Păng dŏng trôm mbung kon se jê̆ jêh ri kon se dôl pu gay ma ndâk njêng nau ktang Păng, Ƀư phung rlăng jêh ri phung plơng bôk mra gŭ rklăk.

Nau Mprơ Ơm 9:6

Lĕ phung rlăng bu hŏ ƀư rai n'ho ro jêh; Kôranh Brah ƀư rlâm ƀon khân păng; Nau ndray kah gĭt ma khân păng ăt rai lôch jêh.

Nau Hôr 15:13

Nuih n'hâm răm rhơn ƀư ăn măt hâk răm, Ƀiălah nuih n'hâm rngot ƀư ăn nau mĭn hươi rdja.

Nơm Nti 5:17

Rlau lơn đŏng, kon bunuyh mra rêh du bông rêh tâm nau ngo klĕng, Mra dơn âk nau rvê, nau rngot jêh ri nau ji nuih.

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Yêrêmi 45:3

‘May hŏ lah jêh: Rêh ni ngăn ma gâp! Yorlah Brah Yêhôva hŏ ntop jêh nau rngot ma nau ji gâp; gâp huơi yor nhĭm vơl, mâu geh nau rlu ôh!’”

Yêrêmi 8:18

Ŭch ma gâp dơi bonh leng bơh nau rngot, Nau knap ƀư nchah rai tâm nuih n'hâm!

Nau Nhĭm Vơl 1:5

Phung rlăng păng jêng nơm chiă uănh, Phung rlăng păng geh nau chăt hao, Yorlah Brah Yêhôva ƀư ăn ma păng rêh ni Yor nau tih păng âk ir. Phung kon păng lĕ bu nhŭp jêh, Njŭn leo hăn ƀư bu nă tanăp phung rlăng.

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Nau Nhĭm Vơl 5:20

Mâm ƀư may chuêl ma hên mro mrăng, Chalơi êng hên jŏ nar tâm ban pônây?

Mathay 26:38

Păng lah: “Huêng gâp rngot rvê ngăn kŏ tât khĭt; khân may hôm gŭ ta aơ jêh ri rngeh njrăng ndrel Gâp.”

Luka 22:53

Gâp gŭ ăp nar tâm ngih brah ndrel ma khân may, khân may mâu yơr ti nhŭp Gâp ôh. Ƀiălah aơ jêng mông khân may jêh ri nau dơi ktang tâm nau ngo.”

Yôhan 16:6

Ƀiălah yor ri Gâp hŏ lah lĕ nau aơ ma khân may, pôri nuih n'hâm khân may geh bêng ma nau rngot rvê.

Samƀŭt Pôl Njuăl Ăn Ma Phung Nsing Ta Ƀon Rôm 9:2

pô aơ gâp rngot ngăn, nuih n'hâm gâp ji mro mrăng.

Philip 2:27

Nanê̆ ngăn, păng geh nau ji bơi ma khĭt, ƀiălah Brah Ndu yô̆ nđach ma păng, mâu di knŏng yô̆ nđach ma păng dơm, ƀiălah nđâp ma gâp tâm ban lĕ, gay lơi ăn gâp geh nau rngot rvê âk ir.

I Samuel 18:29

ri mơ Y-Sôl klach âk lơn ma Y-Đavit. Pônây, Y-Sôl jêng rlăng ma Y-Đavit lĕ du njăr rêh.

I Samuel 24:19

Nar aơ, may hŏ mpơl jêh pô aơ may ƀư nau ueh ma gâp; yorlah Brah Yêhôva hŏ jao gâp tâm ti may, ƀiălah may mâu geh nkhĭt gâp ôh.