Nau Mprơ Ơm 129:5 - Nau Brah Ndu Ngơi 2023

⁵ Đơ phung tâm rmot ma ƀon Siôn Bêk prêng jêh ri rŭch lơi.

Nau Mprơ Ơm 129:5 ပူးပေါင်းရင်းမြစ်များ

Nêhêmi 6:16

Tơlah lĕ rngôch phung rlăng jêh ri lĕ ntil mpôl bunuyh êng gŭ jŭm hên, khân păng gĭt nau nây, pôri geh nau klach da dê jêh ri geh nau rdja nuih n'hâm yorlah khân păng gĭt saơ ma kan aơ dơi jêng yor tă Brah Ndu hên kâp kơl.

Êsther 6:13

Y-Haman nkoch bri ma ur păng jêng H'Sêres jêh ri ma lĕ rngôch phung mĭt jiăng păng ăp ntil nau tât jêh ma păng. Nôk nây phung blau mĭn păng jêh ri H'Sêres, ur păng lah ma păng: “May ntơm tŭp jêh tanăp măt Y-Môrdêkai; tơlah păng jêng tâm mpôl phung Yuđa, pôri may mâu mra dơi ôh, ƀiălah n'hêl nanê̆ mra cha lôt tanăp păng.”

Êsther 9:5

Phung Yuđa sŏk đao lơh nkhĭt phung rlăng khân păng, nkhĭt lơi jêh ri ƀư rai lơi khân păng. Khân păng ƀư ma phung rmot khân păng tĭng nau mĭn khân păng ŭch.

Nau Mprơ Ơm 122:6

Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Nau Mprơ Ơm 40:15

Phung lah ma gâp: “Ah ha, ah ha!” Ăn khân păng geh nau rŭng răng yor geh nau bêk prêng.

Nau Mprơ Ơm 71:13

Ăn phung rlăng đah gâp geh nau bêk prêng jêh ri rai yot; Ăn ma phung joi nau ƀư mhĭk ma gâp Geh nau nkŭm ma nau bu mưch jêh ri nau ƀơ̆.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 29:8

Tâm ban ma bunuyh ji ngot mbơi saơ păng nơm dơi sa, Ƀiălah tơlah păng kah rngăl ndŭl ăt ji ngot; Tâm ban ma bunuyh ji hir mbơi saơ păng nơm dơi nhêt dak, Ƀiălah tơlah păng kah rngăl saơ păng nơm rgănh suan jêh ri ăt ji hir; Phung tahan lĕ bri dak hăn lơh yôk Siôn, Mra tâm ban pônây lĕ.

Êsai 37:22

aơ, jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma may, gơm mưch ma may; Kon bu ur ƀon Yêrusalem Rteh bôk pakơi may!

Êsai 37:35

Yor Gâp jêh ri yor Y-Đavit, oh mon Gâp, Gâp nơm yơh mra king n'gang jêh ri tâm rklaih ƀon aơ.”

Mika 4:11

Nôk nây, geh âk bri dak rgum băl tâm lơh đah may, Khân păng lah: “Ƀư ƀơ̆ ƀơch ăn păng Jêh ri măt he ŭch uănh ma ƀon Siôn!

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!