Nau Mprơ Ơm 129:4 - Nau Brah Ndu Ngơi 2023

⁴ Brah Yêhôva jêng sŏng srăng; Păng hŏ koh jêh rse phung ƀai kât.

Nau Mprơ Ơm 129:4 ပူးပေါင်းရင်းမြစ်များ

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Nau Mprơ Ơm 119:137

Ơ Brah Yêhôva, May jêng sŏng srăng, Nau phat dôih May jêng nau sŏng.

Nau Mprơ Ơm 7:12

Tơlah du huê bunuyh mâu rmal ôh nau tih, pôri Brah Ndu mra tôl đao; Păng van na gŭ kâp.

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.