Nau Mprơ Ơm 128:5 - Nau Brah Ndu Ngơi 2023

⁵ Dăn Brah Yêhôva tă bơh Siôn ăn nau ueh uĭn ma may; Ăn lôch nau rêh păng Dơi saơ nau ndrŏng ma ƀon Yêrusalem.

Nau Mprơ Ơm 128:5 ပူးပေါင်းရင်းမြစ်များ

Nau Mprơ Ơm 118:26

Khư mprơ tâm rnê ma Nơm văch tâm amoh Brah Yêhôva! Bơh ngih Brah Yêhôva hên tâm rnê ma May.

Nau Mprơ Ơm 122:6

Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Nau Mprơ Ơm 134:3

Dăn ma Brah Yêhôva jêng Nơm rhăk njêng trôk jêh ri neh ntu, Tă bơh Siôn ăn nau ueh uĭn ma may!

Nau Mprơ Ơm 135:21

Tâm rnê hom ma Brah Yêhôva bơh Siôn Jêng Nơm gŭ ta Yêrusalem! Halêluya!

Nau Mprơ Ơm 20:2

Bơh ntŭk kloh ueh, dăn Păng yơr ti kơl hađăch Bơh Siôn dăn Kôranh Brah kơl rdâng hađăch!

Nau Mprơ Ơm 20:3

Ăn Păng kah gĭt ma lĕ rngôch ndơ may nhhơr, Jêh ri maak dơn lĕ ndơ may ƀư brah gŭch! (Sêla)

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 33:20

Uănh hom ta Siôn jêng ƀon he kah gĭt prăp lĕ nau rƀŭn toyh! Măt may mra saơ Yêrusalem, Jêng ntŭk gŭ đăp mpăn, jêng ngih bok bu mâu trơn ta ntŭk êng ôh, Lĕ mâng pêr ngih bok bu mâu hôm tŏk ôh, Lĕ rse brăt mâu dơi tăch ôh.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.