Nau Mprơ Ơm 128:2 - Nau Brah Ndu Ngơi 2023

² Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

Nau Mprơ Ơm 128:2 ပူးပေါင်းရင်းမြစ်များ

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 109:11

Ăn kôranh rnon sŏk pit lĕ rngôch ndơ păng geh. Phung bu năch sŏk rdu lơi play kao tă bơh kan păng.

Nơm Nti 8:12

Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Êsai 62:8

Brah Yêhôva hŏ yơr ti ma Jêh ri ti nau brah Păng sơm ton: “Gâp mâu mra ăn ôh ba may Jêng ndơ sông sa ma phung rlăng đah may; Phung bu năch mâu mra dơi nhêt ndrănh krăk ƀâu mhe May hŏ ƀư jêh tâm nau jâk jêr.

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Yêrêmi 22:15

Di lĕ may dơi ƀư hađăch, Yorlah may tâm rlong ndâk ngih ma tơm si sêdar lĕ? Mâu di hĕ mbơ̆ may hŏ nhêt sa Jêh ri ƀư nau sŏng ma nau di, Pôri dơi geh nau ndrŏng ktang nây hĕ?

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

Êphêsô 6:3

“gay ma khân may geh nau ueh uĭn jêh ri gŭ rêh jŏ năm ta neh ntu aơ.”

Nau Vay Nkah Tay 28:11

Brah Yêhôva mra ƀư nau chăt hao ma khân may, play bơh ndŭl proch săk jăn khân may, play bơh mpô mpa rong, kao play tâm mir khân may mra dơi geh âk ngăn tâm n'gor Păng mra ăn ma khân may tĭng nâm nau ton ma phung chô yau khân may.

Nau Vay Nkah Tay 28:39

Khân may mra tăm jêh ri mât đang krăk ƀâu ƀiălah mâu geh play gay pĕ jêh ri ndrănh gay nhêt, yorlah ndrŭng mra sa lĕ jêh.

Nau Vay Nkah Tay 28:4

Play bơh ndŭl proch săk jăn khân may, kao play bơh neh khân may, play bơh phung mpô mpa rong khân may, jêh ri phung biăp kon nđâp ma ndrôk kon khân may mra dơi ăn nau ueh uĭn da dê.

Nau Vay Nkah Tay 28:51

Khân păng mra sa mpô mpa rong, play kao bơh neh khân may kŏ tât khân may rai lôch. Khân păng mâu mra lơi ôh ma khân may ba, ndrănh, dak ngi, ndrôk kon mâu lah biăp kon kŏ tât khân may rai lôch.

Nau Vay Nkah Tay 28:8

Brah Yêhôva mra ăn nau ueh lăng tâm jay ba khân may jêh ri tâm lĕ rngôch kan ti khân may ƀư. Păng mra ăn nau ueh uĭn ma khân may tâm n'gor Yêhôva Brah Ndu ăn ma khân may.