Nau Mprơ Ơm 126:2 - Nau Brah Ndu Ngơi 2023

² Rnôk nây trôm mbung hên bêng ma nau gơm, Mpiăt hên ma nau mprơ troh rhơn. Bu lah ta nklang phung mpôl băl pô aơ: “Brah Yêhôva hŏ ƀư lĕ nau kan dŭt toyh jêh ma khân păng.”

Nau Mprơ Ơm 126:2 ပူးပေါင်းရင်းမြစ်များ

Êsra 3:11

Khân păng mprơ tâm rdơn ndrăng khân păng gay mât ton jêh ri tâm rnê lah ueh ma Brah Yêhôva pô aơ: “Păng ueh ngăn, Nuih n'hâm yô̆ nđach Păng đah phung Israel hôm kŏ tât ƀaƀơ n'ho ro!” Jêh nây lĕ rngôch bunuyh ƀon lan ma du bâr nter huy toyh, tâm rnê Brah Yêhôva, yorlah mbon ngih Brah Yêhôva dơi ndâk njêng jêh.

Nêhêmi 6:16

Tơlah lĕ rngôch phung rlăng jêh ri lĕ ntil mpôl bunuyh êng gŭ jŭm hên, khân păng gĭt nau nây, pôri geh nau klach da dê jêh ri geh nau rdja nuih n'hâm yorlah khân păng gĭt saơ ma kan aơ dơi jêng yor tă Brah Ndu hên kâp kơl.

Ndrom Samƀŭt bơh Yôp 8:21

Kôranh Brah mra ƀư ma mbung may bêng ma nau gơm Jêh ri trôm mbung may bêng ma nau troh maak.

Nau Mprơ Ơm 14:7

Ơ, dăn Kôranh Brah văch tă bơh Siôn tâm rklaih phung Israel! Tơlah Brah Yêhôva djôt leo phung ƀon lan Păng plơ̆ sĭt tă bơh n'gor ƀư bu nă, Pôri Yakôb mra hâk maak jêh ri phung Israel răm rhơn!

Nau Mprơ Ơm 51:14

Ơ Brah Ndu, tâm rklaih gâp bơh nau ƀư tih nkhŭt mham Ơ Brah Ndu ma nau tâm rklaih gâp, Mpiăt gâp mra mprơ tâm rnê ma nau sŏng srăng May.

Nau Mprơ Ơm 53:6

Ơ! ŭch ngăn ma nau tâm rklaih phung Israel, văch tă bơh Siôn! Tơlah Brah Ndu djôt leo phung ƀon lan Păng plơ̆ sĭt tă bơh n'gor ƀư bu nă. Yakôb mra răm rhơn jêh ri phung Israel hâk maak.

Nau Mprơ Ơm 71:19

Ơ Brah Ndu, nau sŏng srăng May Prêh tât tâm trôk. May yơh ƀư jêh lĕ nau kan dŭt toyh, Ơ Brah Ndu, mbu nơm jêng tâm ban ma May?

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Yêrêmi 31:7

Brah Yêhôva lah: “Nteh hom bâr nau răm rhơn ma Yakôb; Nter troh hom yor jêng phung ƀon lan mrô nguay ma lĕ rngôch ntil mpôl bunuyh; Mbơh hom, mprơ tâm rnê hom, jêh ri lah pô aơ: ‘Ơ Brah Yêhôva, tâm rklaih hom phung ƀon lan May, Jêng ƀon lan hôm e klen tâm phung Israel.’

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Êsêkiêl 36:36

Rnôk nây, phung mpôl băl bunuyh hôm e klen văr jŭm khân may mra gĭt Gâp, Brah Yêhôva, hŏ ndâk njêng tay ntŭk rai jêh jêh ri tăm tay ta ntŭk ƀư rai. Gâp, Brah Yêhôva, hŏ lah, jêh ri mra ƀư nau nây.’

Nau Kơp Bunuyh 23:23

Mâu geh nau ngơi n'hŭm-chrâng ôh dơi tâm rdâng đah phung Yakôb, Mâu đŏng geh n'hŭm pol dơi tâm rdâng đah phung Israel; Yorlah tât dôl bu mra nkoch ma Yakôb jêh ri Israel pô aơ: ‘Brah Ndu ƀư jêh lĕ nau kan khlay ngăn ngên!’

Samƀŭt Pôl Njuăl Ăn Ma Phung Nsing Ta Ƀon Rôm 11:15

Yorlah tơlah nau mƀăr lơi ma khân păng hŏ njŭn leo nau tâm rnglăp ma neh ntu, pôri moh nau khân păng sŏk dơn mâu di hĕ jêng nau rêh tât tă bơh nau khĭt?