Nau Mprơ Ơm 125:5 - Nau Brah Ndu Ngơi 2023

⁵ Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 125:5 ပူးပေါင်းရင်းမြစ်များ

II Samuel 22:22

Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

Ndrom Samƀŭt bơh Yôp 23:11

Jâng gâp tĭng têl nhuat Păng; Gâp chuat hăn di trong Păng, mâu teng ôh.

Nau Mprơ Ơm 101:3

Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

Nau Mprơ Ơm 128:6

Ăn may mra dơi saơ phung kon sau may nơm! Ăn nau đăp mpăn jŭr ta phung Israel!

Nau Mprơ Ơm 40:4

Ueh maak yơh ma phung geh nuih n'hâm rnơm nsing ma Brah Yêhôva, Mâu rle nuih n'hâm ma phung sưr Mâu lah hăn tĭng ma phung mƀruh!

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Nau Mprơ Ơm 92:7

Nđâp tơlah phung ƀai hon nâm bu gơ̆. Jêh ri phung mhĭk geh nau ndrŏng, Khân păng bu mra ƀư rai n'ho ro.

Nau Mprơ Ơm 92:8

Ƀiălah ơ Brah Yêhôva, May dơi geh nau yơk mro mrăng.

Nau Mprơ Ơm 94:4

Khân păng ngơi lĕ nau sưr; Lĕ rngôch phung mhĭk ngơi blă blơ da dê.

Nau Hôr 14:14

Bunuyh plơ̆ ƀư tih mra dơn play mhĭk tĭng trong păng, Bi bunuyh ueh mra dơn play ueh bơh kan păng ƀư.

Nau Hôr 2:15

Khân păng hăn kue tâm lĕ trong hăn, Jêh ri vĭ nhhơt jêh tâm lĕ trong khân păng nơm.

Nau Hôr 21:16

Bunuyh vĭ nhhơt bơh trong gĭt mĭn Mra gŭ tâm mpôl phung khĭt.

Êsai 54:10

Nđâp tơlah yôk dơi du, Nđâp tơlah mbon mra rgâl ntŭk, Ƀiălah nau Gâp ueh mâu mra du bơh ay ôh, Jêh ri nau tâm rnglăp đăp mpăn Gâp mâu dơi rgâl ôh;” Brah Yêhôva jêng Nơm geh nau yô̆ nđach ma ay lah kơt nĕ.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 59:8

Khân păng mâu mâp gĭt trong nau đăp mpăn ôh, Mâu geh nau sŏng ôh tâm trong khân păng. Khân păng ƀư kue êng lĕ trong khân păng nơm, Mbu nơm nhuat hăn ta nây mâu gĭt nau đăp mpăn ôh!

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Êsêkiêl 37:26

Gâp mra njêng đah khân păng du nau tâm rnglăp đăp mpăn, nây jêng du nau tâm rnglăp n'ho ro ta nklang khân păng đah Gâp. Gâp mra njêng jêh ri ƀư ăn rnoh bunuyh khân păng bĭk rơ̆. Gâp mra ndâk ngih brah kloh ueh Gâp ta nklang khân păng ƀaƀơ n'ho ro.

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Mathay 7:23

Mông nây, Gâp mra lah rah vah ma khân păng: ‘Hơi phung ƀư mhĭk, du hom tă bơh Gâp, Gâp mâu mâp gĭt năl khân may ôh!’ ”

Luka 11:25

Tơlah păng plơ̆ sĭt tât, saơ ngih nây bu pih rep kloh jêh ri dăp ăn ueh reh

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Galati 6:16

Dăn nau đăp mpăn jêh ri nau yô̆ nđach jŭr ma lĕ rngôch mbu nơm ƀư tĭng nau vay nây, jêh ri ta phung Israel Brah Ndu đŏng!

Philip 2:15

gay ma khân may mâu geh nau nduyh ôh jêh ri kloh rsang, jêng kon dŭt ueh ngăn ma Brah Ndu ta nklang phung ndŭl mpôl plĕch rlăm jêh ri nau tih; ta nklang phung ndŭl mpôl nây, khân may sol hom nâm bu nau ang ta neh ntu;

ហេឞ្រើ 10:38

Nơm sŏng srăng gâp mra gŭ rêh yor nau chroh, Ƀiălah tơlah plơ̆ rŭch Huêng gâp mâu hôm maak ôh.”

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!