Nau Mprơ Ơm 125:1 - Nau Brah Ndu Ngơi 2023

¹ Phung rnơm nsing ma Brah Yêhôva jêng nâm bu yôk Siôn, Mâu n'gơ n'găr ôh ƀiălah gŭ n'ho ro.

Nau Mprơ Ơm 125:1 ပူးပေါင်းရင်းမြစ်များ

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Mprơ Ơm 120:1

Tâm nau rêh ni, gâp kuăl mbơh sơm ma Brah Yêhôva, Păng lŏ plơ̆ lah jêh ma gâp.

Nau Mprơ Ơm 121:1

Gâp n'gơr măt mpeh klơ yôk: Nau kơl gâp ntŭk tă?

Nau Mprơ Ơm 122:1

Gâp maak tơlah bu lah ma gâp pô aơ: “Hăn hom he ta ngih Brah Yêhôva.”

Nau Mprơ Ơm 123:1

Kon n'gơr măt n'gĭl uănh ma Brah Ndu, Jêng nơm gŭ ta klơ lĕ ndâr trôk,

Nau Mprơ Ơm 124:1

Ăn Israel lah: “Tơlah mâu geh Brah Yêhôva koh dŏng he,

Nau Mprơ Ơm 147:11

Ƀiălah Brah Yêhôva maak tâm phung klach yơk ma Păng, Jêh ri mbu nơm n'gân nau kâp gân tâm nuih n'hâm ueh Păng.

Nau Mprơ Ơm 20:8

Lĕ bunuyh rnơm nsing ma seh jêh ri ma ndeh bu mra n'glưh lơi jêh ri prah, Bi ma he mra dâk jêh ri dâk sŏng.

Nau Mprơ Ơm 25:2

Ơ Brah Ndu gâp! Gâp rnơm nsing ma May. Ăn gâp mâu geh bêk prêng ôh; Lơi ăn phung rlăng dơi lơn ma gâp.

Nau Mprơ Ơm 25:8

Brah Yêhôva jêng ueh jêh ri sŏng, Yor nây, May knŏng nti trong ma phung tih.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 34:22

Brah Yêhôva tâm chuai huêng phung oh mon Păng; Lĕ rngôch phung gŭ krap tâm Păng mâu mra geh nau tih.

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 62:2

Knŏng du huê Păng jêng lŭ toyh jêh ri nau tâm rklaih gâp; Jêng ntŭk gâp gŭ krap tâm ban lĕ; gâp mâu mra geh nau mpât n'gơ ôh.

Nau Mprơ Ơm 62:3

Ndah jŏ khân may hăn lơh ma du huê bunuyh? Lĕ rngôch khân păng tâm rgum gay ma lơh rlâm bu Nâm bu mpir ngih nkêng, tâm ban pêr bơi ma cha lôt lĕ?

Nau Mprơ Ơm 62:6

Knŏng du huê Păng yơh jêng lŭ toyh gâp jêh ri nau tâm rklaih gâp, Jêng ntŭk gâp nde krap; gâp mâu mra geh nau mpât n'gơ ôh.

Nau Mprơ Ơm 62:7

Nau tâm rklaih jêh ri nau chrêk rmah gâp gŭ tâm Brah Ndu; Păng jêng lŭ toyh ma gâp, ntŭk gâp gŭ krap.

Nau Hôr 10:25

Lah phŭt sial chuănh lĕ lăn jêh, mâu hôm geh ôh phung ƀai, Ƀiălah mbon phung sŏng srăng gŭ nâp mro mrăng.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 14:32

Moh nau mra plơ̆ lah ma phung mbơh bơh bri dak aơ? Plơ̆ lah hom pô aơ: “Brah Yêhôva rdâk jêh Siôn, Jêh ri phung o ach tâm phung ƀon lan Păng mra dơi joi ntŭk nde.”

Êsai 26:3

Mbu nơm ăn nau mĭn păng rnơm nsing ma Kôranh Brah Păng mra mât mray păng tâm nau đăp mpăn nŭm rĭng, Yorlah păng rnơm nsing ma May.

Êsai 26:4

Rnơm nsing hom ma Brah Yêhôva ƀaƀơ n'ho ro, Yorlah Brah Yêhôva, Brah Yêhôva nơm, Jêng lŭ toyh ma lĕ rngôch rnôk rô̆!

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsai 51:16

Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Êsai 51:8

Yorlah nchiăr mra sa khân păng tâm ban ma sa bok ao, Rhai mra sa khân păng tâm ban ma sa rsau biăp. Ƀiălah nau sŏng Gâp mra gŭ mro mrăng, Nau Gâp tâm rklaih mra hôm e ntơm bơh rnôk aơ tât rnôk ri.”

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 1:14

Nôk nây, tông mpăr dôl ngơi ndrel gâp, lah ma gâp: “Mbơh hom pô aơ Brah Yêhôva ma phung tahan lah: ‘Gâp dŭt n'hâm ntôn khek ngăn yor ma ƀon Yêrusalem jêh ri Siôn.

Sakari 1:17

Mbơh hom du tơ̆ tay đŏng pô aơ Brah Yêhôva ma phung tahan lah: ‘Lĕ rngôch ƀon toyh Gâp mra ăn âk bêng ma drăp ndơ, Brah Yêhôva mra bonh leng yôk Siôn jêh ri săch tay đŏng ƀon Yêrusalem.’”

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

Nau Tâm Mpơl 14:1

Gâp uănh, ri, Kon Biăp dâk ta klơ yôk Siôn ndrel ma du rhiăng puăn jât ma puăn rbăn nuyh geh amoh Kon Biăp jêh ri amoh Mbơ̆ Kon Biăp nchih ta ndăr kleng khân păng nơm.