Nau Mprơ Ơm 124:4 - Nau Brah Ndu Ngơi 2023

⁴ Nanê̆ dak lip hŏ ƀư ngâm jêh he, Dak thăng hŏ bêng ler jêh huêng he.

Nau Mprơ Ơm 124:4 ပူးပေါင်းရင်းမြစ်များ

Ndrom Samƀŭt bơh Yôp 22:11

Nau ngo nkŭm lơi ƀư ma may uănh mâu saơ; Dak lip bŭk nkrâm may.

Nau Mprơ Ơm 144:7

Tă bơh klơ; dăn ti May rklaih gâp, Chông an gâp rklaih bơh dak thăng toyh, Jêh ri bơh ti phung bu năch.

Nau Mprơ Ơm 18:4

Rse nau khĭt nchueng jŭm gâp, Lĕ dak thăng nau rai yot ƀư ăn gâp klach krit.

Nau Mprơ Ơm 18:5

Lĕ rse ƀon phung khĭt hŏ kât jŭm gâp, Lĕ dăk nau khĭt nthăng nhŭp gâp.

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 42:7

Brŏng jru tâm kuăl ndrăng păng Nteh drơu drơu nteh dak leng May; Lĕ rngôch rbuh jêh ri dak lêng May Nkŭm ta klơ gâp.

Nau Mprơ Ơm 42:8

Tơlah pônây, dôl nar Brah Yêhôva ăn nau ueh bơh Păng; Dôl măng, nau mprơ Păng gŭ ndrel gâp, Nây jêng nau mbơh sơm ma Brah Ndu, jêng Nơm ăn nau rêh ma gâp.

Nau Mprơ Ơm 69:15

Ăn n'hor dak mâu rdu bŭk gâp, Brŏng jru mâu rvăn gâp, Ntu jru mâu nkŭm bâr tâp gâp tâm nây.

Nau Mprơ Ơm 69:2

Gâp rhuh tâm bŏk jru Jêh ri glet jâng. Gâp ngâm tâm dak jru, N'hor dak hoch rdu gâp.

Êsai 28:2

Aơ, bơh ntŭk Kôranh Brah geh du huê nơm ktang jêh ri geh nau dơi, Nâm bu mih tŭp pler, phŭt chuănh ƀư rai, Tâm ban ma dak toyh pling ntôr, dak lip lam ntŭk; Păng mra dong ti klŭp păng ta neh.

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Nau Tâm Mpơl 17:1

Nôk nây, du huê tâm pơh nuyh tông mpăr djôt pơh mlâm ngan văch tât jêh ri đă ma gâp pô aơ: “Văch hom aơ, gâp mra ntĭm ma may nau phat dôih bu ur văng tĭr toyh gŭ ta klơ lĕ n'hong dak ri.

Nau Tâm Mpơl 17:15

Jêh nây tông mpăr lah ma gâp: “Lĕ n'hong dak may saơ bu ur văng tĭr gŭ ta klơ jêng lĕ ntil mpôl bunuyh, phung mpôl bunuyh, lĕ bri dak jêh ri lĕ nau ngơi.