Nau Mprơ Ơm 123:2 - Nau Brah Ndu Ngơi 2023

² Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Mprơ Ơm 123:2 ပူးပေါင်းရင်းမြစ်များ

Nau Ntơm 32:26

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

Nau Ntơm 49:18

Ơ Brah Yêhôva! Gâp gŭ kâp nau May sâm rklaih!

I Phung Hađăch 1:20

Hơi hađăch jêng kôranh gâp! Lĕ rngôch măt phung Israel rle uănh ma may, kâp uănh ma may mbơh ma khân păng gĭt mbu nơm mra gŭ ta sưng hađăch gay chiă uănh thoi ntrok may.

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

Nau Mprơ Ơm 119:82

Măt gâp jêng huănh yor ŭch ma nau May ngơi; Gâp lah êng: “Ndah jŏ May mra bonh leng gâp?”

Nau Mprơ Ơm 25:15

Măt gâp uănh ƀaƀơ mpeh ma Brah Yêhôva, Yor Păng mra rklaih jâng gâp luh tă bơh jal.

Luka 18:1

Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Yôsuê 10:6

Phung ƀon lan Gibêôn đă bunuyh hăn ma pôih tahan Gilgal, lah ma Y-Yôsuê pô aơ: “Dăn lơi dĭng chalơi ôh oh mon may. Hăn hao hom gơnh ma hên, tâm rklaih jêh ri kâp kơl hên; yorlah lĕ rngôch hađăch phung Amôrit gŭ ta klơ yôk hŏ tâm rnglăp jêh gay tâm lơh đah hên.”

Yôsuê 9:23

Yor ri, bu rak rtăp ma khân may jêh ri khân may mra jêng dĭk ƀaƀơ, chôk long, bâk dak ma ngih Brah Ndu gâp.”

Yôsuê 9:27

Ntơm bơh nar nây, Y-Yôsuê đă khân păng chôk long, bâk dak ma phung tâm rƀŭn jêh ri ma nơng ƀư Brah Yêhôva tâm ntŭk Păng săch kŏ tât ta nar aơ.