Nau Mprơ Ơm 122:9 - Nau Brah Ndu Ngơi 2023

⁹ Yor ngih Yêhôva Brah Ndu he, Gâp mra kuăl dăn nau ueh maak ăn ma may.

Nau Mprơ Ơm 122:9 ပူးပေါင်းရင်းမြစ်များ

I Nau Rêh Jêng 29:3

Yorlah nuih n'hâm gâp rŏng ma ngih Brah Ndu gâp, pôri lĕ nau gâp ndrăp nkra jêh ma ngih brah kloh ueh, gâp ăt nhhơr đŏng ma ngih Brah Ndu lĕ rngôch ndơ ma mah jêh ri ma prăk jêng ndơ gâp,

Nêhêmi 13:14

“Hơi Brah Ndu gâp! Yor ma nau aơ, kah gĭt an ma gâp jêh ri lơi ta jut lĕ kan ueh gâp hŏ ƀư jêh ma ngih Brah Ndu, jêh ri ma nau pah kan Păng.”

Nêhêmi 2:10

Tơlah Y-Sanbalat, bunuyh Hôrôn, jêh ri Y-Tôbia jêng oh mon mpôl Ammôn, tăng nau nây, khân păng mâu maak, yorlah bu văch gay joi nau kơl ma phung Israel geh nau ndrŏng.

Êsther 10:3

Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.

Nau Mprơ Ơm 26:8

Ơ Brah Yêhôva, gâp rŏng ngih May gŭ, Jêh ri ntŭk chrêk rmah May.

Nau Mprơ Ơm 69:9

Yorlah nau duh nđơr ma Ngih May su lơi gâp, Nau bêk prêng phung bêk prêng May hŏ nkhŭt jêh tâm gâp.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Yôhan 2:17

Phung oh mon Păng kah gĭt tay nau hŏ nchih jêh: “Nuih n'hâm duh nđơr ma ngih Kôranh Brah su gâp.”