Nau Mprơ Ơm 122:6 - Nau Brah Ndu Ngơi 2023

⁶ Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Nau Mprơ Ơm 122:6 ပူးပေါင်းရင်းမြစ်များ

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nêhêmi 11:1

Phung kôranh chiă uănh tâm phung ƀon lan gŭ ta ƀon Yêrusalem jêh ri phung ƀon lan hôm e tâm nchroh gay tâm phung jât nuyh geh du huê nuyh gŭ ta ƀon Yêrusalem jêng ƀon kloh ueh, bi sĭn nuyh ri gŭ tâm lĕ ƀon êng êng.

Nêhêmi 11:2

Phung ƀon lan ăn nau ueh uĭn ma lĕ rngôch phung bu klâu nhhơr săk jăn khân păng gŭ ta ƀon Yêrusalem.

Êsther 4:8

Tâm ban lĕ Y-Môrdêkai ăn ma kôranh bu char du pŏk samƀŭt kơt nchih samƀŭt nau ntrŭnh hŏ ntăm ta ƀon Susa gay ƀư rai lơi lĕ phung Yuđa, gay kôranh bu char mbơh samƀŭt nây ma H'Êsther jêh ri rblang samƀŭt nây ma păng, jêh ri ntrôl păng hăn lăp tanăp hađăch, vơh vơl ma hađăch yô̆ nđach ma phung ƀon lan păng nơm.

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Êsai 62:7

Mâu lĕ ăn Păng rlu Kŏ tât nôk Păng ndâk njêng tay Yêrusalem, Jêh ri njêng păng jêng nau tâm rnê tâm lam neh ntu!

Êsai 66:10

Ơ lĕ rngôch phung rŏng ma Yêrusalem! Hâk maak hom ma păng, maak hom yor păng. Ơ lĕ rngôch phung rngot klâng ma Yêrusalem! Maak ndrel hom ma păng.

Yêrêmi 29:7

Joi hom nau ndrŏng ăn ma ƀon toyh ntŭk Gâp prơh hăn khân may jêng bu nă. Mbơh sơm hom ma Brah Yêhôva kơl ăn ma ƀon nây, yor nau ndrŏng păng jêng nau ndrŏng khân may.’”

Yêrêmi 51:50

Phung khân may jêng phung hŏ klaih jêh bơh mpiăt đao, Hăn hom, lơi ta nsrŭng ôh! Tă bơh bri ngai, kah gĭt hom ma Brah Yêhôva Jêh ri klâng rvê hom ma Yêrusalem!

Nau Kơp Bunuyh 24:9

Khân păng bê̆ch, păn nâm bu du mlâm yau mŭr nkuăng Jêh ri nâm bu du mlâm yau mŭr me. Mbu nơm mra rbĭch khân păng? Ngăn ăn nau ueh uĭn ma mbu nơm mra ăn nau ueh uĭn ma may, Rtăp rah hom ma mbu nơm mra rak rtăp ma may.”

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Êphêsô 4:3

Srôih prăp nau tâm rnglăp tâm Brah Huêng Ueh ma rse nau đăp mpăn.

II Têsalônik 3:16

Mbơh sơm dăn Kôranh Brah nau đăp mpăn ăn nau đăp mpăn ma khân may ƀaƀơ jêh ri tâm lĕ rngôch nau! Dăn Kôranh Brah gŭ ndrel ma lĕ rngôch khân may!

I Yôhan 3:14

He gĭt he nơm hŏ rgăn jêh bơh nau khĭt hăn tâm nau rêh, yorlah he rŏng ma phung oh nâu. Mbu nơm mâu blau tâm rŏng gŭ tâm nau khĭt.

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.