Nau Mprơ Ơm 121:7 - Nau Brah Ndu Ngơi 2023

⁷ Brah Yêhôva mra mât mray may bơh lĕ rngôch nau mhĭk. Păng mra mât mray nau rêh may.

Nau Mprơ Ơm 121:7 ပူးပေါင်းရင်းမြစ်များ

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

Nau Mprơ Ơm 145:20

Brah Yêhôva king n'gang lĕ rngôch phung rŏng ma Păng, Ƀiălah Păng mra ƀư rai lĕ rngôch phung ƀai.

Nau Mprơ Ơm 34:22

Brah Yêhôva tâm chuai huêng phung oh mon Păng; Lĕ rngôch phung gŭ krap tâm Păng mâu mra geh nau tih.

Nau Mprơ Ơm 41:2

Brah Yêhôva mra chiă uănh jêh ri mât mơh nau rêh păng: Bunuyh nây geh nau ueh maak ngăn ta neh ntu. Jêh ri May mâu jao păng ma phung rlăng ŭch ƀư păng.

Nau Mprơ Ơm 97:10

Ơ phung rŏng ma Brah Yêhôva, tâm rmot hom ma nau mhĭk. Păng king n'gang huêng phung kloh ueh Păng Jêh ri tâm rklaih khân păng bơh ti phung mhĭk.

Nau Hôr 12:21

Mâu geh ôh du ntil nau mhĭk tât ma bunuyh sŏng srăng, Ƀiălah phung ƀai nkŭm bêng ma nau mhĭk tât.

Nau Kơp Bunuyh 6:24

Dăn ma Brah Yêhôva ăn nau ueh uĭn ma may Jêh ri kâp kơl may!

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.