Nau Mprơ Ơm 12:5 - Nau Brah Ndu Ngơi 2023

⁵ Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 12:5 ပူးပေါင်းရင်းမြစ်များ

Ndrom Samƀŭt bơh Yôp 5:15

Brah Ndu rklaih nuyh o ach klaih bơh mpiăt đao, Klaih bơh trôm mbung jêh ri klaih bơh ti phung janh ƀai.

Ndrom Samƀŭt bơh Yôp 5:21

May mra dơi nking n'gang bơh mpiăt nau mhĭk, Mâu klach ôh lah geh nau mhĭk tât.

Nau Mprơ Ơm 10:12

Brah Yêhôva ơi! Dăn dâk hom; Brah Ndu ơi! Dăn yơr hom ti Kôranh Brah; Lơi ta chuêl ôh phung rêh ni.

Nau Mprơ Ơm 10:18

Gay ƀư nau di ma phung kon đơi jêh ri phung bu tŭn jot, Ƀư ăn kon bunuyh ơm tă bơh ndruyh neh, mâu hôm klach đŏng ôh.

Nau Mprơ Ơm 10:5

Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Nau Mprơ Ơm 31:19

Nau ueh May toyh ngăn! May prăp nau ueh ma bunuyh klach yơk ma May, Ăn ma phung gŭ krap tâm May, Tanăp lĕ rngôch bunuyh.

Nau Mprơ Ơm 34:6

Phung rêh ni aơ nter kuăl jêh ri Brah Yêhôva dơn nau, Păng sâm rklaih an păng bơh lĕ rngôch nau rêh ni.

Nau Mprơ Ơm 73:8

Khân păng nsŭch, ngơi lĕ nau mhĭk jêh ri nkrit nhhu Khân păng ngơi bêng ma nau sưr.

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 18:21

Rêh khĭt yor tă nau dơi bơh mpiăt, Mbu nơm rŏng păng mra sa kao play păng.

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Êsai 19:20

Nĕ jêng nau mbên jêh ri nau mbơh ma Brah Yêhôva ma phung tahan tâm bri Êjipt. Dôl khân păng kuăl dăn ma Brah Yêhôva yor bu tŭn jot, Păng mra njuăl ma khân păng du huê nơm sâm rklaih tât gay king n'gang jêh ri rklaih khân păng.

Êsai 33:10

Brah Yêhôva lah: “Aƀaơ, Gâp mra dâk; Aƀaơ, Gâp mra tâm rnê êng Gâp nơm; Aƀaơ, Gâp mra geh nau mât ton!

Êsêkiêl 18:18

Bi tơlah ma mbơ̆ păng hŏ dŏng nau ƀai tŭn jot, ntŭng ndơ oh nâu păng, jêh ri ƀư nau mâu ueh ta nklang phung ƀon lan păng, pôri mbơ̆ păng mra khĭt yor nau tih păng nơm.

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.