Nau Mprơ Ơm 12:4 - Nau Brah Ndu Ngơi 2023

⁴ Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Nau Mprơ Ơm 12:4 ပူးပေါင်းရင်းမြစ်များ

Nau Ntơm 3:5

Yorlah Brah Ndu gĭt lah khân may sa play nây pôri măt mra lin, jêh ri khân may mra jêng nâm bu Brah Ndu, gĭt nau ueh jêh ri nau mhĭk.”

Nau Mprơ Ơm 140:12

Gâp gĭt Brah Yêhôva mra koh dŏng nau di ma phung o ach, Phat dôih nau sŏng ma bunuyh pưt kƀah.

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Nau Hôr 10:31

Bâr mbung bunuyh sŏng srăng dơi geh nau blau mĭn, Ƀiălah mpiăt phung kue bu mra koh lơi.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.