Nau Mprơ Ơm 12:3 - Nau Brah Ndu Ngơi 2023

³ Brah Yêhôva mra ƀư rai lĕ rngôch bâr mbung ngơi nklă Jêh ri mpiăt ngơi sưr rlau ir

Nau Mprơ Ơm 12:3 ပူးပေါင်းရင်းမြစ်များ

Ndrom Samƀŭt bơh Yôp 32:22

Yorlah gâp mâu blau ôh ngơi n'hi; Tơlah ƀư pônây, Nơm Rhăk Njêng gâp mra ƀư rai gâp gơnh ro.”

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Nau Mprơ Ơm 140:12

Gâp gĭt Brah Yêhôva mra koh dŏng nau di ma phung o ach, Phat dôih nau sŏng ma bunuyh pưt kƀah.

Nau Mprơ Ơm 17:10

Khân păng nchăng nâp nuih n'hâm khân păng nơm; Bâr mbung khân păng sưr rlau.

Nau Mprơ Ơm 55:22

Jao hom nau may anh jâk ma Brah Yêhôva, Păng mra kơl rdâng may; Păng mâu mra ăn phung sŏng srăng geh nau mpât n'gơ.

Nau Ngluh Êjipt 15:9

Phung rlăng lah: ‘Gâp hăn tĭng, gâp mra ban; Gâp mra tâm pă ndơ pit sŏk. Nau gâp kơnh mra dơi mpay. Gâp tŏk đao; ti gâp mra ƀư rai khân păng.’

Nau Hôr 18:21

Rêh khĭt yor tă nau dơi bơh mpiăt, Mbu nơm rŏng păng mra sa kao play păng.

Nau Hôr 26:24

Bunuyh tâm rmot n'hi ngơi nau ueh padih mbung, Ƀiălah tâm trôm nuih n'hâm nchră nau ndơm;

Êsai 10:10

Tâm ban ma ti gâp hŏ kuăn lĕ rngôch bri dak geh rup brah, Rup brah khân păng âk rlau lơn ma ƀon Yêrusalem jêh ri ƀon Samari,

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Yêrêmi 12:6

Phung oh nâu may nơm jêh ri ngih mbơ̆ may Ăt rdâng đah may, Khân păng lŭng nter pakơi may. Nđâp lah khân păng ngơi ueh đah may, May lơi ta rnơm ôh ma khân păng.

Yêrêmi 9:8

Mpiăt khân păng jêng hăr kăch Vay bên ma nau ngơi ndơm. Padih mbung ngơi đăp mpăn ăn ma phung chiau meng Ƀiălah tâm nuih n'hâm sân dăk ƀư mhĭk păng.”

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Daniel 7:8

Dôl gâp mĭn ma lĕ nke nây, pôri geh du mlâm nke êng, jê̆ lơn, hon ta nklang nke nây; pe mlâm tâm lĕ nke geh lor bu tŏk lŏk lơi lĕ tanăp măt păng. Nke jê̆ aơ geh âk măt tâm ban ma măt bunuyh jêh ri mbung ngơi ma nau sưr.

Malachi 3:13

Brah Yêhôva lah: “Khân may hŏ sŏk jêh nau ngơi brơl ŭch tâm rdâng đah Gâp.” Ƀiălah khân may lah: “Hŏ geh hên ngơi tâm rdâng đah May?”

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

Nau Tâm Mpơl 13:5

Bu ăn ma mpô mpa dŭt janh mbung ngơi lĕ nau ngơi ƀlăch ƀlêr, sưr rlau; bu ăn ma păng dơi vay ƀư nau ktang tâm puăn jât ma bar khay.

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.